Qasym-Jomart Toqaev jeke óziniń jáne barsha qazaqstandyqtardyń atynan Tájikstan Prezidenti Emomali Rahmondy, sondai-aq búkil tájik halqyn Táýelsizdiktiń 30 jyldyǵymen quttyqtady.
Bul týraly "Ult aqparat" Aqordanyń resmi saityna silteme jasap habarlaidy.
– Baýyrlas Tájikstan bul aitýly kúnge halyqaralyq arenada mańyzdy ról atqaratyn bedeldi memleket retinde jetip otyr. Qurmetti Emomali Sháripuly, álemdik qaýymdastyq Sizdi memlekettilikti nyǵaitýǵa jáne el azamattarynyń ál-aýqatyn arttyrýǵa úles qosqan, naǵyz jalpyulttyq kóshbasshy retinde tanydy, – dep jazdy Qazaqstan Prezidenti.
Qasym-Jomart Toqaev Qazaqstannyń Tájikstanmen ǵasyrlar boiǵy dostyqty, ózara qoldaý men jan-jaqty yntymaqtastyqqa negizdelgen bailanystardy nyǵaitýǵa basa mán beretinin atap ótken.
– Biz ózara kúsh jumyldyra otyryp, elderimiz arasyndaǵy kópjaqty yqpaldastyqtyń qarqyndy damýyna tyń serpin bere alamyz jáne qazaq-tájik strategiialyq seriktestigi men odaqtastyǵynyń kókjiegin keńeitemiz, – delingen jedelhatta.
