Syrtqy igiliktiń shikizattyq laǵynetke ainalǵanyn baiqamai qaldyq. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Keiinge kóz sala otyryp, shartty túrde eki ekonomikalyq betburysty bóle aitýǵa bolady. Birinshisi, josparly ekonomikadan naryqtyq ekonomikaǵa kóshý. Qazaqstan kúrdeli kúizelister jáne shyǵyndar arqyly aýyrtpalyqty, biraq qajetti reformalar júrgize otyryp kóterile, beiimdele aldy», - dep atap ótti Memleket basshysy elimizdiń iri biznes ókilderimen kezdesýi barysynda.
QR Prezidenti bul ózgeristerdi qarjylandyrý keńestik júieden mura bolyp qalǵan memlekettik múlikterdi jekeshelendirý esebinen júzege asyrylǵanyn atap ótti.
«Sol irgetasta otandyq kásipkerliktiń jańa sanaty ósip shyqty. Ekinshi betburys 2000 jyldardaǵy shikizattyq sýpertsiklmen bailanysty. Ekonomika jahandyq protsesterge beiimdele aldy, sheteldik investorlarǵa jaǵdai jasalyp, bul elge mol qarajatty, birinshi kezekte óńdeý jáne bank salalaryna tartýǵa múmkindik berdi. Bul qarjylar qazaqstandyq ekonomikany qorlandyrdy jáne oǵan turaqtylyq berdi. Áleýmettik baǵdarlanǵan memleket qalyptastyrýǵa múmkindik týǵyzdy. Biraq, biz syrtqy ál-aýqattyń arqasynda syrtqy igiliktiń shikizattyq laǵynetke ainalǵanyn baiqamai qaldyq. Biz transformatsiiada utqyr bola almadyq. Sapaly túrlený mundaiǵa qarsy túrli toptardyń múddesimen betpe bet keldi. Nátijesinde biz ártaraptandyrylǵan ekonomika qura almadyq», - dep atap ótti Qasym-Jomart Toqaev.
