Memleket basshysy Qasym-Jomart Toqaev Qyzylorda oblysynyń diqandaryn tolaǵai tabysymen quttyqtady. Bul týraly oblystyq ákimdiktiń baspasóz qyzmeti habarlaidy.
«Qurmetti Syr boiy diqandary! Qyzylorda oblysy – aýyl sharýashylyǵyn qarqyndy damytyp, el qazynasyn eselep otyrǵan berekeli aimaq. Biyl osy ólke diqandarynyń kúrish óndirýden rekordtyq kórsetkishti jańartyp, mol ónim jinaý sonyń dáleli. Óńirdegi 87,9 myń gektar kúrishtiń ár gektarynan 60,3 tsentnerden ónim alynyp, el qambasyna 530 myń tonnadan astam aq marjan kúrish quiyldy. Barshańyzdy osyndai tolaǵai tabystaryńyzben shyn júrekten quttyqtaimyn», - delingen Prezidenttiń quttyqtaý hatynda.
