Foto: Aqorda
Memleket basshysy biyl – sot tóreligin atqarýǵa jaýapty azamattar úshin airyqsha mańyzdy jyl ekenin atap ótti, dep habarlaidy Ult.kz.
Buǵan sebep - osydan 30 jyl buryn el egemendiginiń, adamdardyń quqyqtary men bostandyqtaryn saqtaýdyń myzǵymas tiregi sanalatyn Qazaqstan Konstitýtsiiasy qabyldandy.
"Qýatty ári táýelsiz sot júiesi quqyq ústemdigin qamtamasyz etý, sondai-aq «Zań jáne tártip» qaǵidatyn ornyqtyrý isinde sheshýshi ról atqarady. Sondyqtan biz osy strategiialyq mańyzy bar salada júieli túrde reforma júrgizip kelemiz. Sot isi jetildirilip, basqarý úderisteri ońtailandyrylyp, osy salaǵa tsifrlyq tehnologiialar engizilip jatyr. 1 shildeden bastap qylmystyq, azamattyq jáne ákimshilik ister jónindegi úsh derbes kassatsiialyq sot jumys istei bastaidy. Bul qadam azamattardyń jáne biznestiń óz quqyqtary men zańdy múddelerin qorǵaýǵa arnalǵan institýtsionaldyq múmkindigin edáýir attyrady", - dep jazdy Memleket basshysy.
Qasym-Jomart Toqaev jurtshylyqtyń ádildikke degen senimi kóbinese sýdialardyń kásibi biliktiligine, kez kelgen isti qaraǵan kezde ustanymyna berik bolyp, beitaraptyq tanyta alýyna tikelei bailanysty ekenin atap ótti. Osydan keiin sot qyzmetkerleri men ardagerlerine qajyrly eńbegi men óz kásibine adaldyǵy úshin shynaiy rizashylyǵyn bildirdi.
