Qasym-Jomart Toqaev Shavkat Mirziioevpen telefon arqyly sóilesti, dep habarlaidy Aqorda.
Memleketter basshylary koronavirýs pandemiiasynyń taralý jaǵdaiyn talqylap, osy indetke qarsy kúreske bailanysty qabyldanǵan sharalar týraly aqparat almasty.
Shavkat Mirziioev qazaqstandyq áriptesiniń der kezinde qabyldaǵan shuǵyl sheshimderi men nátijeli is-qimyldaryn qoldaitynyn aitty.
Prezidentter joǵary deńgeide yqpaldastyq ornatý jáne eki el Úkimetteriniń jumystaryn úilestirý jaiyn da kelisti.
Áńgime barysynda Qazaqstan men Ózbekstan arasyndaǵy saýda-ekonomikalyq jáne gýmanitarlyq salalar boiynsha yntymaqtastyqty odan ári nyǵaitý úshin birlesken jumystardy jalǵastyrýdyń mańyzy týraly ortaq pikir aityldy.
