Prezident Qasym-Jomart Toqaev Resei Federatsiiasynyń Qazaqstandaǵy elshisi Aleksei Borodavkindi qabyldady, dep habarlaidy "Ult aqparat" Aqordaǵa silteme jasap.
Kezdesýde Qazaqstan men Resei arasyndaǵy yntymaqtastyqtyń aýqymdy máseleleri qaraldy.
Prezident koronavirýs indeti kezinde Resei Federatsiiasynyń Qazaqstanǵa kórsetken kómegi úshin alǵys bildirdi.
Memleket basshysy elderimizdiń arasyndaǵy ekijaqty jáne meditsina, densaýlyq saqtaý salalaryndaǵy halyqaralyq uiymdar aiasyndaǵy, onyń ishinde jańa bastamalar men jobalardy iske asyrý sheńberindegi qarqyndy yntymaqtastyqty odan ary jalǵastyrýdyń mańyzyn atap ótti.
Kezdesýde sondai-aq Eýraziialyq ekonomikalyq odaq qyzmetimen bailanysty máseleler jáne joǵarǵy deńgeidegi EAEO kezdesýine, sonymen qatar, Ujymdyq qaýipsizdik shart uiymynyń aldaǵy sammitine daiyndyq barysy talqylandy.
