Qasym-Jomart Toqaev pen Serdar Berdimuhamedov Birlesken málimdemege qol qoidy

Foto: Aqorda

Qazaqstan Prezidenti Qasym-Jomart Toqaev pen Túrikmenstan Prezidenti Serdar Berdimuhamedov kelissózder júrgizip, onyń qorytyndysy boiynsha Birlesken málimdemege qol qoidy. Kezdesý barysynda eki el arasyndaǵy saiasi, ekonomikalyq jáne gýmanitarlyq bailanystardy nyǵaitý máseleleri talqylandy, dep habarlaidy Ult.kz.

Memleket basshylarynyń qatysýymen resmi delegatsiialar tómendegi birqatar úkimetaralyq jáne vedomstvoaralyq qujattarmen almasty:

1. Mádeni-gýmanitarlyq yntymaqtastyq týraly kelisim – eki el arasyndaǵy mádeni bailanystardy kúsheitýdi kózdeidi.

2. Kóshi-qon salasyndaǵy yntymaqtastyq týraly kelisim.

3. Zeinetaqymen qamtamasyz etý salasynda aqparattyq yqpaldastyq jónindegi kelisim – Qazaqstan men Túrikmenstannyń Eńbek ministrlikteri arasynda.

4. Quqyqtyq saladaǵy ózara túsinistik pen yntymaqtastyq týraly memorandým – Ádilet ministrlikteri arasynda.

5. Veterinariia salasy boiynsha yntymaqtastyq jónindegi memorandým.

6. Astyq daqyldary boiynsha ǵylymi-zertteý jáne agrarlyq ǵylym salasyndaǵy birlesken jumys týraly memorandým.

7. Kólik salasyndaǵy yntymaqtastyqty keńeitýdiń 2026–2027 jyldarǵa arnalǵan birlesken is-qimyl jospary.

8. Densaýlyq saqtaý salasyndaǵy yntymaqtastyqtyń 2026–2027 jyldarǵa arnalǵan negizgi is-sharalar jospary.

9. Mańǵystaý oblysy men Balqan ýálaiaty arasyndaǵy saýda-ekonomikalyq jáne mádeni-gýmanitarlyq yntymaqtastyq týraly memorandým.

10. Qazaqstan men Túrikmenstan Ǵylym akademiialarynyń ǵylymi yntymaqtastyq týraly memorandýmy.

11. Aqparattyq saladaǵy yntymaqtastyq týraly kelisim – Qazaqstan Prezidenti teleradiokesheni men Túrikmenstannyń televiziia jáne radio jónindegi memlekettik komiteti arasynda.

Bul qujattar eki el arasyndaǵy strategiialyq seriktestikti jańa deńgeige kóterýge baǵyttalǵan.