Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti. Bul týraly Aqorda saity habarlady.
Áńgimelesý barysynda Memleketter basshylary Qazaqstan men Ózbekstannyń strategiialyq seriktestigin odan ári damytý máseleleri jóninde pikir almasty. Prezidentter kelissózder protsesin eki el úkimetteriniń basshylyǵy deńgeiinde jandandyrýǵa ýaǵdalasty.
Qasym-Jomart Toqaev pen Shavkat Mirziioev saiasi, saýda-ekonomikalyq, investitsiialyq, kólik-tranzittik, mádeni-gýmanitarlyq yntymaqtastyqtyń negizgi aspektilerin talqylady. Óńirdegi turaqtylyq pen qaýipsizdikti qamtamasyz etýge erekshe nazar aýdaryldy.
