Foto: Aqorda
Memleket basshysy Japoniiaǵa resmi sapary barysynda Tokiodaǵy Meidji Djingý sinto ǵibadathanasyna bardy, dep habarlaidy Ult.kz.
1920 jyly salynǵan keshen imperatorlyq kieli oryn sanalady. Onyń aýmaǵynda 120 myńǵa jýyq aǵash pen jasyl jelegi bar saiabaq ornalasqan.
Ǵibadathana túbegeili saiasi jáne áleýmettik-ekonomikalyq reformalar júrgizý arqyly Japoniiany álemniń damyǵan elderiniń birine ainaldyrǵan imperator Meidjige arnalǵan.
Keshenmen tanysqan soń Memleket basshysy Qurmetti qonaqtar kitabyna jazba qaldyrdy.
«Meidji Djingý – berekeli birlik pen ulttyq sana-sezimniń simvoly. Japon halqy úshin osy qasietti ǵibadathananyń tarihi mán-mańyzy erekshe. Kúnshyǵys eli ósip-órkendei bersin!» – dep jazdy Qasym-Jomart Toqaev.
