Foto: Aqorda
Prezident Almaty qalasyndaǵy №95 mektep-litseii himiia pániniń muǵalimi Tatiana Beloýsovany Global Teacher Prize halyqaralyq baiqaýynyń qorytyndysy boiynsha álemdegi eń úzdik 50 pedagogtiń qataryna enýine orai quttyqtady, dep habarlaidy Ult.kz.
– Bul joǵary baǵa – Sizdiń óskeleń urpaqqa taǵylymdy tárbie men ozyq bilim berý isine sińirgen uzaq jylǵy eńbegińizdiń jemisi. Bizdiń maqsatymyz – ziiatker ultqa ainalý. Sondyqtan memleket árdaiym muǵalimderdiń mártebesin kóterip, olardy jan-jaqty qoldaidy, – dedi Qasym-Jomart Toqaev.
Aita keteiik, Almatydaǵy №95 mektep-litseiiniń himiia páni muǵalimi Tatiana Beloýsova halyqaralyq Global Teacher Prize baiqaýynyń qorytyndysy boiynsha álemdegi eń úzdik 50 pedagogtyń qataryna endi.
Qala ákimdiginiń málimetinshe, Tatiana Beloýsova – pedagog-sheber, kóptegen jyldar boiy oqýshylarǵa himiia páninen bilim berip keledi. Ol 2024 jyly «Qazaqstan muǵalimi» qurmetti ataǵyna ie bolǵan.
Ótken jyly ustaz halyqaralyq baiqaýdyń birneshe kezeńinen súrinbei ótip, saýalnama tapsyrýdan bastap, qosymsha materialdardy usyný, sarapshylardyń baǵalaýy jáne finaldyq irikteýge deiingi kezeńderden ótken.
Resmi málimetke sáikes, álemniń úzdik 50 muǵaliminiń tizimi 2025 jylǵy 15 jeltoqsanda Global Teacher Prize saityna jariialanǵan. Al finalisterdi marapattaý rásimi 2026 jyldyń 1–5 aqpany aralyǵynda Dýbaida, halyqaralyq bilim berý forýmy aiasynda ótedi.
Aita keteiik, Qazaqstan bul baiqaýǵa besinshi ret qatysyp otyr. Osy ýaqytqa deiin elimizdiń ókilderi úsh márte álemniń úzdik 50 pedagogynyń qataryna engen, onyń ishinde biylǵy irikteý de bar.
