Memleket basshysy Qasym-Jomart Toqaev mainingke salynatyn salyqty arttyrýdy tapsyrdy, dep habarlaidy QazAqparat.
«Barlyq maining fermalardy anyqtaý, salyq jáne keden máselelerin tekserý qajet. Alynǵan tehnikalyq sharttardy, sondai-aq olardyń qyzmetiniń basqa da qyrlaryn muqiiat zerdeleý kerek. 15 naýryzǵa deiin esep berýlerińizdi suraimyn», - dedi Prezident.
Onyń aitýyna qaraǵanda, memleket jumysyn búkpesiz ashyq júrgizetin mainingke qarsy emes.
«Bul salada jumys istegisi keletinderdiń litsenziiasy bolýy qajet. Elektr energiiasyn aqylǵa qonymdy tarif boiynsha alyp, kirisin deklaratsiialaýy jáne salyq tóleýi, «jasyl» energetika jobalaryn iske qosýy tiis. Maining salyqtaryn biz de arttyramyz. Qazirgi qýattyń ár kilovatyna 1 teńge degen mólsherleme óte mardymsyz. Úkimetke atalǵan salyqty eselep, ári qysqa merzimde arttyrýdy tapsyramyn», - dedi Memleket basshysy Úkimettiń keńeitilgen otyrysynda.
Sondai-aq, Memleket basshysy Tsifrlyq mainingti retteý men damytý jónindegi sheshimderdiń tolyqqandy paketin ázirleýdi tapsyrdy.
«Úkimet tsifrlyq mainingti retteý men damytý boiynsha tolyqqandy sheshimder paketin ázirleýi kerek. Nátijeni 1 sáýirge deiin kútemin», - dep tapsyrdy Qasym-Jomart Toqaev.
