Qazaqstan Prezidenti Qasym-Jomart Toqaev QHR Memlekettik keńesiniń Premeri Li Ketsianmen kezdesti, dep habarlaidy "Ult aqparat" Aqordaǵa silteme jasap.
Memleket basshysy QHR Memlekettik keńesiniń Premerine qonaqjailylyǵy men jyly qabyldaýy úshin alǵys bildirip, óziniń Qytaiǵa Qazaqstan Prezidenti retindegi tuńǵysh sapary QHR-nyń qurylǵanyna 70 jyl tolýyna arnalǵan mereitoimen tuspa-tus kelgenin atap ótti. Osy oraily sátte, Qasym-Jomart Toqaev Li Ketsiandy jáne dostas qytai halqyn mereili merekemen quttyqtady.
Qazaqstan Prezidenti eki el arasyndaǵy qarym-qatynas qarqyndy damyp kele jatqanyn, ekijaqty áriptestik barysynda saýda-ekonomikalyq, kóliktik-logistikalyq áleýette kóptegen nátijelerge qol jetkenin aitty. Memleket basshysy Qazaqstan men Qytai arasyndaǵy saýda-ekonomikalyq yntymaqtastyqtyń damýyna oń baǵa berdi.
Óz kezeginde Li Ketsian Qasym-Jomart Toqaevtyń QHR-ǵa sapary Qazaqstan-Qytai bailanystaryn odan ári nyǵaitýǵa zor septigin tigizetinin atap ótti.
