Foto: Aqorda
Qazaqstan Prezidenti Qasym-Jomart Toqaev Italiia ministrler keńesiniń tóraǵasy Djordja Melonidi Astanada qabyldap, eki el arasyndaǵy yntymaqtastyqty nyǵaitý máselelerin talqylady, dep habarlaidy Ult.kz.
Qasym-Jomart Toqaev Qazaqstan Italiianyń Ortalyq Aziiadaǵy jetekshi seriktesi, al Italiia elimizdiń saýda áriptesteriniń úshtigine enetin jáne iri investorlarynyń biri ekenin aitty. Elder arasyndaǵy taýar ainalymy 24 paiyzǵa artyp, ótken jyly 20 milliard dollarǵa jetti.
"Sizdiń basshylyǵyńyzben Italiia Úkimetiniń Qazaqstanmen aradaǵy tyǵyz qarym-qatynastardy saýda jáne investitsiia salalarynda ǵana emes, parlamentaralyq yqpaldastyq baǵytynda damytýǵa umtylysyn joǵary baǵalaimyz. Sondai-aq ekijaqty gýmanitarlyq yqpaldastyqqa da shynaiy rizashylyǵymyzdy bildiremiz. Sizdiń bul saparyńyzdyń eki el arasyndaǵy yntymaqtastyqqa tyń serpin berý turǵysynan mańyzy zor. Halyqaralyq arenada Qazaqstan men Italiianyń bailanystary senimdi ári strategiialyq seriktes sipatynda jalǵasa beredi dep senemin", – dedi Memleket basshysy.
Prezident sońǵy jiyrma jylda Italiia Qazaqstan ekonomikasyna 7,6 milliard dollarǵa deiin investitsiia quiǵanyn atap ótti. Sondai-aq Qazaqstanda ENI, SDF Group, PetroValves, Maire Tecnimont jáne Ballestra sekildi iri investorlar bastaǵan 270-ke jýyq italiialyq kompaniia tabysty jumys istep jatqanyn jetkizdi.
Djordja Meloni eki el arasyndaǵy yqpaldastyqty joǵary baǵalap, onyń strategiialyq seriktestik rýhyna sai keletinin aitty.
"Sizdi kóregen kóshbasshylardyń biri sanaimyn. Qazirgi syn-qaterlerdi tereń túsinetin adammen áńgimelesý men úshin óte qundy. Osynaý qiyn kezeńde jaqsy jańalyqtar da bar. Sonyń biri – Italiia men Qazaqstan arasyndaǵy qarym-qatynas. Bizdiń bailanystarymyzdyń deńgeii joǵary. Muny buǵan deiin birneshe ret atap óttik. Degenmen yntymaqtastyqty odan ári nyǵaitýǵa múmkindik jetkilikti. Meniń saparymnyń maqsaty da osy. Sizdiń elińizdiń Batys pen Shyǵysty bailanystyryp jatqan altyn kópir retindegi tarihi mánin jaqsy bilemiz", – dedi Italiia Premer-ministri.
Kelissóz barysynda ekijaqty kún tártibiniń negizgi baǵyttaryn qamtityn kóptegen másele talqylandy.
Qasym-Jomart Toqaev pen Djordja Meloni Qazaqstan men Italiianyń qarym-qatynasyn qarqyndy damytýǵa yqpal etetin seriktestikti odan ár jandandyryp, jańa bastamalardy júzege asyrýǵa múddeli ekenderin rastady.
