Qazaqstan Respýblikasynyń Prezidenti Qasym-Jomart Toqaev qazaqstandyqtardy Qurban ait merekesimen quttyqtady, dep habarlaidy "Ult aqparat" Aqordaǵa silteme jasap.
***
Qazaqstan Respýblikasynyń Prezidenti Qasym-Jomart Toqaevtyń Qurban ait merekesimen quttyqtaýy
Qurmetti otandastar!
Kúlli musylman úmbetin Qurban ait merekesimen quttyqtaimyn!
Qasietti Qurban ait – meiirimdilik pen qaiyrymdylyq qundylyqtarynyń teńdessiz kórinisi retinde halqymyzdyń rýhani dúniesinen erekshe oryn alatyn meiram.
Imandylyqty óskeleń urpaqty tárbieleý kózi dep sanaityn musylman qaýymy osy kúni izgi nietimen igi ister atqaryp, ózara túsinistik pen kelisim rýhyn nyǵaita túsedi.
Bul yntymaq pen birlikti qadir tutyp, saqtap kele jatqan elimiz úshin óte mańyzdy.
Qasietti meiramda barshańyzǵa zor densaýlyq,
qut-bereke tileimin.
Otanymyz – Qazaqstan Respýblikasy órkendei bersin!
Qasym-Jomart Toqaev
