Búgin elordada Konstitýtsiia kúnine arnalǵan dóńgelek ústel barysynda «Qasym-Jomart Toqaev. Qazaqstan Respýblikasy Prezidentiniń tańdamaly eńbekteri» kitaby tanystyryldy, dep habarlaidy QazAqparat tilshisi.
«Búgingi dóńgelek ústel Konstitýtsiia kúnine arnalyp otyr. Konstitýtsiiaǵa sáikes, Prezident negizgi zań myzǵymastyǵynyń simvoly ári kepili sanalady. Bul kitap Qazaqstan – nemis ýniversitetiniń Halyqaralyq jáne aimaqtyq yntymaqtastyq ǵylymi-zertteý institýty tarapynan ázirlengen. Kitapty basyp shyǵarýǵa memlekettik biýdjetten bir teńge de alynbaǵanyna nazar aýdartqym keledi. Kitap jekemenshik joǵary oqý tarapymyzdan demeýshilik qoldaý esebinen ázirlendi. Kitap biznes joba emes, satýǵa da arnalmaǵan. Ol ǵylymi institýttar men bilim berý mekemeleriniń kitaphanalaryna beriledi», - dedi basylymnyń jaýapty redaktory Halyqaralyq jáne aimaqtyq yntymaqtastyq ǵylymi-zertteý institýty direktory Bolat Sultanov.
Onyń atap ótýinshe, Konstitýtsiiada elimizdi basqarýdyń prezidenttik formasy bekitilgen.
«Túrik kóshbasshysy Erdoǵan elinde parlamenttik respýblikadan prezidenttik respýblikaǵa kóshýdi júzege asyrdy. Qyrǵyzstanda da respýblika prezidenttikpen parlamenttikke, odan keiin qaitadan prezidenttikke transformatsiia jasaldy. Bul mysaldar kúrdeli saiasi jaǵdaida myqty prezidenttik bilik jáne soǵan orai Prezidenttiń halyq pen memleket aldyndaǵy jeke jaýapkershiligi ishki saiasi aýaldy turaqtandyrýǵa ári eldiń óńiregindegi syrtqy saiasi jaǵdaidy túbegeili ózgertýge múmkindik beretindigin dáleldeidi», - dedi ol.
