Qazaqstan Prezidenti Qasym-Jomart Toqaev Qytaida baiandamalarynyń barlyǵyn qazaqsha jasap jatyr. Bul týraly búgin óziniń Facebook-tegi paraqshasynda Memleket basshysynyń baspasóz hatshysy Berik Ýáli jazdy.
«Qazaqstan Prezidenti Qasym-Jomart Toqaev Qytai Halyq Respýblikasyna bastalǵan memlekettik sapary aiasyndaǵy josparlanǵan kezdesýlerdiń barlyǵynda baiandamasyn qazaq tilinde jasaýda. Atap aitsaq, Memleket basshysy Qazaqstan-Qytai Iskerlik keńesiniń 6-otyrysynyń ashylýynda sóilegen sózin, sondai-aq, QHR isker toptarynyń ókilderimen kezdesýindegi baiandamasyn jáne Qytai qoǵamdyq ǵylymdar akademiiasyndaǵy baiandamasyn tolyǵymen memlekettik tilde jasady», - dep jazdy baspasóz hatshysy.
