Memleket basshysy Iran Islam Respýblikasynyń Prezidentimen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidenti Qasym-Jomart Toqaev Ibrahim Raisidi jaqynda ótken Prezident sailaýyndaǵy jeńisimen quttyqtap, eki el arasyndaǵy bailanystardy joǵary baǵalady.
– Bul – bizdiń alǵashqy kezdesýimiz. Osy júzdesý bizdiń elderimizdiń arasyndaǵy qarym-qatynastarǵa jańa serpin beretinine senimdimin. Iran – bizdiń Kaspii óńirindegi tatý kórshimiz jáne islam álemindegi jaqyn seriktesimiz. Diplomatiialyq qarym-qatynas ornaǵannan beri memleketterimiz arasyndaǵy yntymaqtastyq turaqty túrde artyp keledi, – dedi Memleket basshysy.
Óz kezeginde Ibrahim Raisi sailaýdaǵy jeńisimen quttyqtaǵany jáne ulyqtaý rásimine arnaiy delegatsiia jibergeni úshin Qasym-Jomart Toqaevqa rizashylyǵyn bildirdi.
– Iran men Qazaqstannyń ózara yntymaqtastyǵy jan-jaqty qalyptasqan. Árine, áleýeti joǵary bailanystarymyzdy odan ári keńeitýge mol múmkindik bar. Bizdiń búgingi kezdesýimiz osy yqpaldastyqtyń bastaýy bolaryna senemin, – dedi Iran Prezidenti.
