Foto:Akorda.kz
Memleket basshysy Qasym-Jomart Toqaev Tájikstan prezidenti Emomali Rahmonmen telefon arqyly sóilesti, - dep habarlaidy "Ult aqparat" Aqordanyń baspasóz qyzmetine silteme jasap.
Áńgimelesý barysynda memleketter basshylary Qazaqstan men Tájikstan arasynda diplomatiialyq qatynas ornaǵanyna 30 jyl tolýyna orai birin-biri quttyqtady.
Prezidentter osy jyldary eki el arasynda kópjaqty jáne ózara tiimdi memleketaralyq bailanystar jolǵa qoiylǵanyn atap ótip, qatynastardyń strategiialyq seriktestik rýhynda nyǵaiyp kele jatqanyn jetkizdi.
Taraptar saýda-ekonomikalyq jáne mádeni-gýmanitarlyq salalardaǵy qarym-qatynastardyń, sondai-aq Qazaqstan men Tájikstannyń halyqaralyq uiymdar aiasyndaǵy tyǵyz yntymaqtastyǵy qarqyndy damyp kele jatqanyna nazar aýdardy.
Qasym-Jomart Toqaev pen Emomali Rahmon qazaq-tájik qatynastaryn odan ári nyǵaitý jónindegi birlesken jumystardy jalǵastyrýǵa daiyn ekenin taǵy da naqtylady.
