Qazaqstan Prezidenti Qasym-Jomart Toqaev Úkimet pen azamattyq qoǵamnyń bastamasymen búkil el boiynsha júzege asyrylyp jatqan EKO-Chellendj qozǵalysyn tolyq qoldaitynyn aitty. Bul týraly Memleket basshysy óziniń Twitter-degi paraqshasynda jazdy.
«Úkimet pen azamattyq qoǵamnyń bastamasymen búkil el boiynsha júzege asyrylyp jatqan EKO-Chellendj qozǵalysyn tolyq qoldaimyn. Eldi tazalyq aimaǵyna ainaldyraiyq. Birge - Taza Qazaqstan! Jaraisyńdar, volonterlar! #Birge #TazaQazaqstan», - dep jazdy Prezident.
Aita keteiik, osyǵan deiin Memleket basshysy Ekologiia, geologiia jáne tabiǵi resýrstar ministri Maǵzum Myrzaǵalievti qabyldap, halyqtyń ekologiialyq mádeniettiligin arttyrýǵa jáne qorshaǵan ortany qorǵaý jumystaryna eriktilerdi tartý jóninde tapsyrma bergen bolatyn.
Artynsha ministrliktiń bastamasymen #Birge #TazaQazaqstan ekologiialyq aktsiiasy jariialanyp, atalmysh aktsiia aiasyndaǵy sharalarǵa Úkimet basshysy Asqar Mamin de qatysqan bolatyn.
«Men bul aktsiia búkil Qazaqstan boiynsha jalǵasatynyna senimdimin. Bul jobany Qazaqstan aimaqtarynda damytýǵa shaqyramyn. Aktsiia jalpyhalyqtyq sipat alyp, eldegi ekologiialyq jaǵdaidyń jaqsarýyna jol ashady dep senemin», - dedi Asqar Mamin.
