Memleket basshysy Qasym-Jomart Toqaev eki avtojoldyń qurylysyna qatysty tapsyrma berdi, dep habarlaidy QazAqparat.
«2024 jyly Jezqazǵan-Qyzylorda avtomobil jolynyń qurylysy aiaqtalýy tiis. Bul Jezqazǵan men Sátbaev qalalarynyń saýda-kólik bailanysyn kúsheitýge, sonymen qatar júk tranzitin arttyrýǵa múmkindik beredi», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jinalysta.
Aqordanyń Twitter-degi málimetine sáikes, sondai-aq Memleket basshysy Nur-Sultan-Almaty jolyn jańǵyrtýdy 2023 jyly aiaqtaýdy tapsyrdy.
«Shalǵaidaǵy iri monoqalardyń elimizdiń ózge óńirlermen strategiialyq kólik bailanysyn qamtamasyz etý qajet. Men Nur-Sultan-Almaty jolyn jańǵyrtýdy 2023 jyly aiaqtaý tapsyrmasyn berdim. Ol Balqash qalasynyń áleýetin aitarlyqtai arttyratyn bolady», - dedi QR Prezidenti.
