Qasym-Jomart Toqaev Boris Djonsondy Ulybritaniianyń Premer-Ministri laýazymyna sailanýymen quttyqtady, dep habarlaidy "Ult aqparat" Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Boris Djonsondy Ulybritaniia Birikken Koroldiginiń jáne Soltústik Irlandiianyń Premer-Ministri laýazymyna sailanýymen quttyqtady.
«Basqarýshy Tori partiiasynyń kóshbasshysyn sailaýdaǵy Sizdiń aiqyn jeńisińiz Ulybritaniianyń igiligi jolynda qol jetkizgen tańqalarlyq tabystaryńyzdyń jáne adal qyzmetińizdiń moiyndalýyn kórsetedi», – delingen jedelhatta.
Memleket basshysy Qazaqstan men Ulybritaniianyń strategiialyq seriktestikti berik dostyq, ózara senim men túsinistik negizde damytyp otyrǵanyn atap ótti. Qazaqstan Prezidenti ekijaqty yntymaqtastyqty odan ári nyǵaitýǵa jáne jańa investitsiialyq múmkindikterdiń ashylýyna senim bildirdi.
Qasym-Jomart Toqaev Boris Djonsonǵa jańa qyzmette tabys, sondai-aq, britan halqyna baq-bereke tiledi.
