Qazaqstan Prezidenti Qasym-Jomart Toqaev belgili arheolog Zeinolla Samashevty qabyldady, dep habarlaidy Aqordanyń baspasóz qyzmeti.
Kezdesý barysynda Memleket basshysyna Qazaqstan ǵylymynyń keibir máseleleri, sonyń ishinde sońǵy jyldary ashylyp jatqan ǵylymi jańalyqtar, arheologiialyq zertteýler, mamandar daiarlaý jumysy jóninde málimet berildi.
Sonymen qatar, Zeinolla Samashev Qasym-Jomart Toqaevqa Shyǵys Qazaqstan oblysyndaǵy saq dáýiriniń alǵashqy kezeńine jatatyn qonystardaǵy qazba jumystary, Berel qorǵanyndaǵy arheologiialyq zertteýlerdiń qorytyndysy jáne sheteldik ǵalymdarmen áriptestik týraly aityp berdi.
Memleket basshysy tarihi zertteýlerdiń mańyzdylyǵyna toqtalyp, sońǵy jyldary otandyq arheologiia salasynda belgili bolǵan tyń derekterdi Qazaqstannyń ejelgi, ortaǵasyrdaǵy tarihynyń jylnamasyna engizý qajettiligin atap ótti.
