Memleket basshysy Bas ashkenazi ravvini David Laý men Bas sefard ravvini Itshak Iosifti qabyldady, dep habarlaidy "Ult aqparat" Aqordanyń resmi saityna silteme jasap.
Prezident Álemdik jáne dástúrli dinder kóshbasshylarynyń VII sezine qatysqany, sondai-aq Qazaqstannyń bul bastamasyn belsendi qoldaǵany úshin ashkenazi jáne sefard ravvinattarynyń bedeldi basshylaryna alǵys aitty.
Qasym-Jomart Toqaev bizdiń elimizdi uzaq tarihi kezeńde qalyptasqan dini jáne mádeni áralýandylyq erekshelendirgenin atap ótti.
Qazaqstan aýmaǵynda iri álemdik jáne dástúrli dinderdiń, sonyń ishinde iýdaizmniń rýhani dástúrleri toǵysqan. Memleket basshysynyń aitýynsha, Qazaqstan konfessiiaaralyq jáne etnosaralyq kelisimdi nyǵaitý baǵytynda dáiekti saiasat júrgizip keledi.
Memleket basshysy Izrail Qazaqstannyń Taiaý Shyǵystaǵy mańyzdy seriktesi ekenin atap ótti, sondai-aq saýda-ekonomikalyq is-áreketter jandanyp, mádeni-rýhani bailanystar dáiekti túrde nyǵaiyp kele jatqanyn aitty.
David Laý men Itshak Iosif Qazaqstannyń konfessiiaaralyq dialogty nyǵaitýǵa beiildi ekenine, árdaiym dini senim bostandyǵyn qoldaitynyna nazar aýdaryp, bul salada ózge memleketterge úlgi bolatynyn jetkizdi.
