Erekshe kezdesý boldy. Qazaq jýrnalistikasynyń shashasyna shań juqpaityn daraboz korifeileri men onyń bolashaǵyn jasaityn kreativti talantty jas qalamgerler Senatta bas qosty.
Elge tez ári sapaly aqparat jetkizýde ábjildigimen jáne belsendiligimen kózge túsip júrgen buqaralyq aqparat quraldary ókilderimen emen-jarqyn áńgime dúken qurǵan Senat Tóraǵasy Qasym-Jomart Toqaev jýrnalisterdiń nazaryn el aldynda turǵan úlken mindetterge aýdardy.
– Bizdiń elimiz kúrdeli geosaiasi jaǵdaidaǵy damýdyń ózgerister kezeńin bastan ótkerýde. Ókinishke qarai, álemniń ár buryshynda janjaldar azaimai otyr, sanktsiialyq túrdegi teke-tirester órship barady. Jahandyq eki úrdis – jahandaný men ultshyldyqtyń arasyndaǵy qarama-qaishylyq ta ulǵaia túsýde. Qazaqstan halyqaralyq qoǵamdastyqtyń jaýapty jáne bedeldi múshesi retinde óziniń ulttyq múddelerin qorǵaýda tiisti ustanymdardy tabandylyqpen pash etip otyr.
Halyqtyń shynaiy senimine ie ári shet elderde bedeli zor bizdiń elimizdiń Memleket basshysy Qazaqstannyń halyqaralyq arenadaǵy ulttyq múddesin árdaiym biik ustap keledi.Elbasynyń Kóshbasshylyq ári Tuńǵysh Prezidentmártebesi elimizdiń saiasi júiesindegi turaqtylyqtyń senimdi kepili. «Tuńǵysh Prezident - Elbasy týraly», «Qaýipsizdik Keńesi týraly»zańdar eldegi ishki jáne syrtqy saiasatty júrgizýde Elbasynyń jetekshi róline quqyqtyq kepildikterdi qamtamasyz etedi.Bul qazirgi álemdegi dúrbeleńge toly jaǵdailarda mańyzdy ról atqarady. Elbasy – bizdiń Konstitýtsiiamyzdyń jáne ishki saiasi turaqtylyqtyń senimdi kepili. Prezident Nursultan Nazarbaevtyń táýelsiz Qazaqstannyń negizin salýshy retindegi sińirgen eńbegi asa aýqymdy, tarihi mańyzy zor.
Tórtinshi ónerkásiptik revoliýtsiia dáýiri qoǵam men buqaralyq aqparat quraldarynyń aldyna biik mindetter qoiyp otyr. Tehnologiialyq, ekonomikalyq jáne áleýmettik aýqymdy ózgerister burynǵy ádetter men taptaýryn kózqarastardan arylyp, jańasha oilaýdy talap etedi.
Prezident Joldaýynda tsifrlyq tehnologiialardyń dendep enýine bailanysty qazaqstandyqtardy jahandyq ózgerister men qaterlerge daiyn bolýǵa shaqyrdy. Bul mindet tek qoǵamnyń qoldaýymen tabysty sheshiledi. Sondyqtan tsifrlandyrý ideiasynyń mán-mańyzyn qalyń buqaraǵa jetkizýde jýrnalisterge asa jaýapty mindet júktelip otyr.
Tehnologiialyq turǵydan jańarý buqaralyq aqparat quraldaryna da áser etýde. Búgingi kúni «dástúrli» buqaralyq aqparat quraldaryn áleýmettik jelilerden bólip tastaityn shekaralar da azaiyp barady. Qazirgi kezde gazetterdi, telearnalar men radiostantsiialardyńelektrondy nusqasynyń bolýy zańdy. Olar tipti dástúrli aqparat quraldarynan da tanymal bolýda. Kóptegen baspa jáne elektrondy basylymdar interaktivti keri bailanys, únqatysý men onlain transliatsiia múmkindikterin paidalana otyryp, áleýmettik jelilerge belsendi túrde aralasa bastady.
Qazirgi kezde aqparat aǵyndary úshin memlekettik shekara uǵymyjoq. Jańa jaǵdaida jaǵymsyz qubylystardy aila-sharǵymen jaǵymdy etip kórsetip, qoǵamdyq oń pikir qalyptastyrý qaýpi kúrt ósip barady. Sarapshylar baqylanbaityn áleýmettik jelilerde jalǵan jańalyqtar menteris nasihattyń dendep ketýi týraly eskertip otyr. Azǵyrý men arbaýǵa negizdelgenmundai aqparat saiasi maqsattar úshin jiiqoldanylady.
Dana halqymyz «Otyz tisten shyqqan sóz – otyz rýly elge taraidy» deidi.Búgingi áleýmettik jeliler arqyly taraityn aýyzdyqsyz aqparat zamanynda mundai qaýipti qubylystar el ishinde beleń alýy múmkin.
Ókinishke qarai, ziiandy aqparat áserinen,eń aldymen jastar zardap shegedi. Keibir múddeli buqaralyq aqparat quraldarynyń jáne áleýmettik jelilerdiń kómegimen jastar kúmándi ideologiialyq kózqarastarǵa urynady, búldirgish, tipti,zańǵa qarsy áreketterge de barady.
Osyǵan bailanysty qoǵamdy, ásirese, jastar men balalardy jalǵan aqparattan zań arqyly qorǵaýǵa týra keledi. Jaqynda Parlament buqaralyq aqparat quraldary týraly zańnamaǵa engizgen túzetýler osy maqsatqa arnaldy.
Buqaralyq aqparat quraldary jastardyń kúsh-qýatyn shyǵarmashylyq arnaǵa qarai burýy tiis. Jas urpaq barlyq áleýmettik mańyzdy is-sharalarǵa belsene aralasýy qajet. Óskeleń urpaqtyń bilimi men jańa tehnologiialardy qoldanýy, shyǵarmashylyq turǵysyndaǵy tyń kózqarasy, kúsh-jigeri men igi bastamalary buryn bolmaǵan jańa múmkindikterge jol ashady.
Meniń oiymsha, qazaqstandyq buqaralyq aqparat quraldary álemdegi eń joǵary standarttardy baǵdarǵa alýy tiis. Elbasy elimizdiń dástúrli qundylyqtaryn saqtai jáne ulyqtai otyryp, qoǵamnyń rýhani ómiriniń jańarýyna baǵyttalǵan «Rýhani jańǵyrý» tujyrymdamasyn jariialady. Osy tujyrymdamany iske asyrýda aqparat quraldarynyń róli erekshe.Ideologiialyq keńistiktiulttyq álemdergebólý úrdisteri týyndap turǵan kezde «Rýhani jańǵyrý» tujyrymdamasynyń Qazaqstan úshin mańyzy zor.
Memleket basshysynyń «Egemen Qazaqstan» gazetinde jaryq kórgen baǵdarlamalyq maqalasynan keiin «Týǵan jer», «Qazaqstannyń kieli jerleriniń geografiiasy», «100 jańa tulǵa», «100 jańa oqýlyq» jobalary boiynsha aýqymdy jumystar atqaryldy. Búginde qazaq tilin latyn jazýyna kóshirýge daiyndyq jumystary aiaqtalýda. Rýhani jańǵyrtý qoǵamda qyzý qoldaý tapty jáne ony belsendi túrde jalǵastyrý úshin aýqymdy isterdi atqarýymyz qajet.
Prezident azamattardyń materialdyq deńgeiin kóterýge de basa nazar aýdaryp keledi. «Bes áleýmettik bastama» úndeýi ekonomikalyq turǵyda jan-jaqty eseptelgen ári muqiiat tekserilgen qadamdardy júzege asyrýǵa baǵyttalǵan biregei qujat. Birlesken kúsh-jigerdiń arqasynda milliondaǵan qazaqstandyqtardyń, ásirese, jastardyń ómir sapasy men turmysyn jaqsartýda basty maqsatqa qol jetkizemiz dep oilaimyn.
Parlamenttiń zań shyǵarý qyzmetine qoldaý kórsetýde buqaralyq aqparat quraldary erekshe ról atqarady. Jańa zańdardyń qabyldanýy týraly aqparat jetkizýmen qatar qoǵam men biliktiń arasyndaǵy dialogtyń mańyzdy quraly bolyp tabylady.
Buqaralyq aqparat quraldarynyń róli turaqty túrde ósip keledi. Tipti áleýmettik jeliler paida bolsa da, dástúrli buqaralyq aqparat quraldarynyń róli báseńdemeidi. Kerisinshe olar ozyq tehnologiialardy jumys quralyna ainaldyryp otyr.
Bizdiń eldegi jýrnalistika aýqymdy reformalardyń udaiy aldyńǵy sapynda. Baspa jáne elektrondyq basylymdar milliondaǵan adamdardyń kóńil túkpirinen berik oryn aldy. «Kóp sóz utpaidy, dóp sóz utady» demekshi, otandyq buqaralyq aqparat quraldary kásibi túrde sheber, shynaiy jáne jedel jumys júrgizýde.
Elimizdiń buqaralyq aqparat quraldary salasynda úlken qajyrlylyqpen qyzmet etip jatqan barlyq jýrnalisterdi kele jatqan merekelermen quttyqtaimyn.
