Bizdiń memleketterdiń arasyndaǵy yntymaqtastyqtyń arqasynda biz úlken nátijege qol jetkizdik. Abý-Dabidiń murager hanzadasy sheih Muhammed ben Zaid Ál Nahaianmen kezdesý barysynda QR Prezidenti Qasym-Jomart Toqaev osylai dedi, dep habarlaidy QazAqparat.
«Bul meniń Arab álemine Prezident retinde jasaǵan alǵashqy saparym. Iaǵni, bul degenińiz Qazaqstan sizdiń memleketińizben yntymaqtastyqqa basa mańyz beretinin aiǵaqtaidy», - dedi Qasym-Jomart Toqaev.
Memleket basshysy sonymen qatar eki el arasyndaǵy tabysty yntymaqtastyqty erekshe atap ótti.
«Shynyna kelgende, bizdiń memleketterdiń arasyndaǵy yntymaqtastyqtyń arqasynda úlken nátijege qol jetkizdik. Bizdiń elderimizdiń arasynda shynaiy dostyq, senim men ózara túsinistik bar. Sol sebepti, bizdiń qarym-qatynasymyzdyń keleshegi zor degen oidamyn. Meniń bul saparymnyń basty maqsaty – bizdiń memleketter arasyndaǵy yntymaqtastyqqa jańa serpin berý. Ýaqyt bir orynda turǵan joq. Sol úshin qosymsha jiger men áreket kerek. Sol sebepti, men bul sapar erekshe mańyzǵa ie dep bilemin», - dedi Qazaqstan Prezidenti.
Eske sala ketsek, buǵan deiin Memleket basshysy Qasym-Jomart Toqaev Birikken Arab Ámirlikterine resmi saparmen kelgeni habarlanǵan bolatyn.
