بٸزدٸڭ مەملەكەتتەردٸڭ اراسىنداعى ىنتىماقتاستىقتىڭ ارقاسىندا بٸز ٷلكەن نەتيجەگە قول جەتكٸزدٸك. ابۋ-دابيدٸڭ مۇراگەر حانزاداسى شەيح مۇحاممەد بەن زايد ەل ناحايانمەن كەزدەسۋ بارىسىندا قر پرەزيدەنتٸ قاسىم-جومارت توقاەۆ وسىلاي دەدٸ, دەپ حابارلايدى قازاقپارات.
«بۇل مەنٸڭ اراب ەلەمٸنە پرەزيدەنت رەتٸندە جاساعان العاشقى ساپارىم. ياعني, بۇل دەگەنٸڭٸز قازاقستان سٸزدٸڭ مەملەكەتٸڭٸزبەن ىنتىماقتاستىققا باسا ماڭىز بەرەتٸنٸن ايعاقتايدى», - دەدٸ قاسىم-جومارت توقاەۆ.
مەملەكەت باسشىسى سونىمەن قاتار ەكٸ ەل اراسىنداعى تابىستى ىنتىماقتاستىقتى ەرەكشە اتاپ ٶتتٸ.
«شىنىنا كەلگەندە, بٸزدٸڭ مەملەكەتتەردٸڭ اراسىنداعى ىنتىماقتاستىقتىڭ ارقاسىندا ٷلكەن نەتيجەگە قول جەتكٸزدٸك. بٸزدٸڭ ەلدەرٸمٸزدٸڭ اراسىندا شىنايى دوستىق, سەنٸم مەن ٶزارا تٷسٸنٸستٸك بار. سول سەبەپتٸ, بٸزدٸڭ قارىم-قاتىناسىمىزدىڭ كەلەشەگٸ زور دەگەن ويدامىن. مەنٸڭ بۇل ساپارىمنىڭ باستى ماقساتى – بٸزدٸڭ مەملەكەتتەر اراسىنداعى ىنتىماقتاستىققا جاڭا سەرپٸن بەرۋ. ۋاقىت بٸر ورىندا تۇرعان جوق. سول ٷشٸن قوسىمشا جٸگەر مەن ەرەكەت كەرەك. سول سەبەپتٸ, مەن بۇل ساپار ەرەكشە ماڭىزعا يە دەپ بٸلەمٸن», - دەدٸ قازاقستان پرەزيدەنتٸ.
ەسكە سالا كەتسەك, بۇعان دەيٸن مەملەكەت باسشىسى قاسىم-جومارت توقاەۆ بٸرٸككەن اراب ەمٸرلٸكتەرٸنە رەسمي ساپارمەن كەلگەنٸ حابارلانعان بولاتىن.
