Memleket basshysy Qasym-Jomart Toqaev Premer-Ministr Asqar Mamindi qabyldady, dep habarlaidy "Ult aqparat" Aqordaǵa silteme jasap.
Qazaqstan Prezidenti Qasym-Jomart Toqaev 2 qyrkúiektegi Qazaqstan halqyna Joldaýyn júzege asyrý boiynsha Premer-Ministr Asqar Maminniń jalpyulttyq is-qimyl josparyn ázirleý týraly aqparatyn tyńdady.
Memleket basshysy elimiz saiasi jáne áleýmettik-ekonomikalyq reformalardyń jańa kezeńine aiaq basqanyn atap ótti. Onyń aitýynsha, atalǵan ýádelerdi oryndaý ortalyq pen óńirlerde, birqatar zań jobalary men basqa da normativtik-quqyqtyq aktilerdi ázirleýdi qosa alǵanda mańyzdy ári úilesimdi jumysty talap etedi.
«Joldaýdyń ýaqytyly jáne sapaly júzege asyrylýy ǵana azamattardyń ómir súrý deńgeiin arttyryp, ekonomikanyń qurylymdyq jańǵyrýyn qamtamasyz etedi. Joldaýda qoiylǵan mindetter belgilengen merzimde múltiksiz oryndalýy tiis. Úkimet jalpyulttyq is-qimyl josparyn ázirleý jónindegi jumysty bastaǵany durys boldy. Arqany keńge salatyn ýaqyt joq. Barlyq ministrlikter men vedomstvolardyń, ákimdikterdiń basshylary reformalardy tiimdi jáne ýaqtyly júzege asyrýǵa ózderi jaýapty bolady», – dedi Qasym-Jomart Toqaev.
