Qazaqstan Prezidenti Qasym-Jomart Toqaev AQSh Kongresi ókilderi palatasynyń músheleri Devin Nýnes pen Rik Kroýfordty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda eki el arasyndaǵy strategiialyq seriktestikti keńeitý máseleleri, sondai-aq óńirdiń kún tártibindegi ózekti taqyryptar talqylandy.
«AQSh – Qazaqstannyń táýelsizdigin moiyndaǵan alǵashqy memleketterdiń biri. Biz saýda-ekonomikalyq, investitsiialyq jáne energetikalyq salalarda tyǵyz yntymaqtastyq ornattyq. Elderimizdiń ózara tabysty is-qimyldarynyń mańyzdy baǵyty qarýsyzdaný jáne iadrolyq qarýdy taratpaý salasy bolyp tabylady», – dedi Memleket basshysy.
Amerikalyq kongressmender Q.Toqaevty prezidenttik sailaýdaǵy jeńisimen quttyqtap, kózdegen reformalarynyń tabysty júzege asýyna tilektestik bildirdi.
Kongressmender Qazaqstannyń Ortalyq Aziiadaǵy beibitshilikti, turaqtylyqty jáne qaýipsizdikti nyǵaitýdaǵy róline joǵary baǵa berip, Aýǵanstannyń áleýmettik-ekonomikalyq jaǵdaiyn qaita qalpyna keltirý isindegi birlesken is-qimyldardyń mańyzdylyǵyna basa nazar aýdardy.
