Jaqyn arada 75 seriialy Qasym han týraly filmdi túsirýdi bastaimyz. Búgin halyqpen eseptik kezdesýinde Mádeniet jáne sport ministri Aqtoty Raiymqulova osylai aitty, dep habarlaidy "Ult aqparat".
«Eldiń barlyq jetekshi mýzei-qoryqtarynyń aýmaǵynda vizit-ortalyqtardyń qurylysy júrip jatyr. Jyl sońyna deiin «Ulytaý», «Otyrar», «Tańbaly» vizit-ortalyqtary ashylatyn bolady. Jaqyn arada «Esik», «Ordabasy», «Shilikti», «Berel» jáne «Áziret Sultanda» vizit-ortalyqtardyń qurylysy daiyn bolady», - dedi ministr.
Onyń atap ótýinshe, Túrkistan qalashyǵyn qalpyna keltirý boiynsha belsendi jumys jalǵasýda.
«Áziret-Sultan» IýNESKO-nyń eskertkishi ekenin eskere otyryp, aqpan aiynda qalashyqty damytý jospary Parij qalasynda IýNESKO-nyń shtab-páterinde usynyldy. Sonymen qosa, áserdi baǵalaý úshin AQSh-tyń, Ulybritaniianyń, Kanadanyń, Germaniianyń jetekshi sarapshylary shaqyryldy. Osy jyly kúzde Kúltóbe qalashyǵynyń alǵashqy ekspozitsiialyq bóligin ashý josparlanýda. Elbasynyń tapsyrmasy boiynsha taǵy bir iri týristik joba retinde ortaǵasyrlyq «Otyrar» qalashyǵyn qalpyna keltirý jumystary bastaldy», - dedi A. Raiymqulova.
«Jaqyn arada biz 75 seriialy Qasym han týraly filmdi túsirýdi bastaimyz, Elbasynyń arnaiy shaqyrýymen kelgen, filmge stsenarii jazǵan tanymal túrik rejisseri Giýnai Metin tarihi oryndardy aralady. Osy kartinanyń arqasynda bizdiń ejelgi Túrkistan, Otyrar, Saraishyq, Saýran jáne basqa da jerlerimiz orasan zor tanymaldylyqqa ie bolyp, milliondaǵan týrister keletin orynǵa ainalatynyna senimdimin», - dedi ministr.
Sondai-aq, ol EKSPO halyqaralyq kórmesiniń kesheni aýmaǵynda «Astana film» atty jańa joǵary tehnologiialy kinostýdiianyń qurylysy boiynsha jumystar bastalǵanyn da tilge tiek etti.
«QR Tuńǵysh Prezidentiniń tapsyrmasy boiynsha óndiristik múmkindikterdi keńeitý maqsatynda EKSPO halyqaralyq kórmesiniń kesheni aýmaǵynda «Astana film» atty jańa joǵary tehnologiialy kinostýdiianyń qurylysy boiynsha jumystar bastaldy. Bul úshin qala ákimdigi 23,7 gektar jer bóldi. Bul jańa kino óndirýshi ortalyq, sondai-aq álemge áigili Universal, Disneyland jáne basqa da úlgidegi oiyn-saýyq jáne demalys saiabaǵy bolady», - dedi ministr.
Onyń sózine qaraǵanda, jańa kartinalardy shyǵarýǵa arnalǵan barlyq ótinimderdi kino salasyndaǵy bedeldi mamandardan arnaiy qurylǵan Sarapshylyq keńesi qaraidy.
Sonymen qatar, irikteý rásiminiń ashyqtyǵyn qamtamasyz etý úshin kino jobalardy qarjylandyrý boiynsha usynystardy Úkimettiń janynan qurylǵan vedomstvoaralyq komissiia beredi.
«Elimizdiń Premer-Ministri Asqar Maminmen kezdesý barysynda álemge áigili rejisser, stsenarist, prodiýser Timýr Bekmambetov eki kino jobasyna prodiýser bolýǵa daiyn ekenin bildirgenin aita ketkim keledi», - dedi A. Raiymqulova.
