جاقىن ارادا 75 سەرييالى قاسىم حان تۋرالى فيلمدٸ تٷسٸرۋدٸ باستايمىز. بٷگٸن حالىقپەن ەسەپتٸك كەزدەسۋٸندە مەدەنيەت جەنە سپورت مينيسترٸ اقتوتى رايىمقۇلوۆا وسىلاي ايتتى, دەپ حابارلايدى "ۇلت اقپارات".
«ەلدٸڭ بارلىق جەتەكشٸ مۋزەي-قورىقتارىنىڭ اۋماعىندا ۆيزيت-ورتالىقتاردىڭ قۇرىلىسى جٷرٸپ جاتىر. جىل سوڭىنا دەيٸن «ۇلىتاۋ», «وتىرار», «تاڭبالى» ۆيزيت-ورتالىقتارى اشىلاتىن بولادى. جاقىن ارادا «ەسٸك», «ورداباسى», «شٸلٸكتٸ», «بەرەل» جەنە «ەزٸرەت سۇلتاندا» ۆيزيت-ورتالىقتاردىڭ قۇرىلىسى دايىن بولادى», - دەدٸ مينيستر.
ونىڭ اتاپ ٶتۋٸنشە, تٷركٸستان قالاشىعىن قالپىنا كەلتٸرۋ بويىنشا بەلسەندٸ جۇمىس جالعاسۋدا.
«ەزٸرەت-سۇلتان» يۋنەسكو-نىڭ ەسكەرتكٸشٸ ەكەنٸن ەسكەرە وتىرىپ, اقپان ايىندا قالاشىقتى دامىتۋ جوسپارى پاريج قالاسىندا يۋنەسكو-نىڭ شتاب-پەتەرٸندە ۇسىنىلدى. سونىمەن قوسا, ەسەردٸ باعالاۋ ٷشٸن اقش-تىڭ, ۇلىبريتانييانىڭ, كانادانىڭ, گەرمانييانىڭ جەتەكشٸ ساراپشىلارى شاقىرىلدى. وسى جىلى كٷزدە كٷلتٶبە قالاشىعىنىڭ العاشقى ەكسپوزيتسييالىق بٶلٸگٸن اشۋ جوسپارلانۋدا. ەلباسىنىڭ تاپسىرماسى بويىنشا تاعى بٸر ٸرٸ تۋريستٸك جوبا رەتٸندە ورتاعاسىرلىق «وتىرار» قالاشىعىن قالپىنا كەلتٸرۋ جۇمىستارى باستالدى», - دەدٸ ا. رايىمقۇلوۆا.
«جاقىن ارادا بٸز 75 سەرييالى قاسىم حان تۋرالى فيلمدٸ تٷسٸرۋدٸ باستايمىز, ەلباسىنىڭ ارنايى شاقىرۋىمەن كەلگەن, فيلمگە ستسەناريي جازعان تانىمال تٷرٸك رەجيسسەرٸ گيۋناي مەتين تاريحي ورىنداردى ارالادى. وسى كارتينانىڭ ارقاسىندا بٸزدٸڭ ەجەلگٸ تٷركٸستان, وتىرار, سارايشىق, ساۋران جەنە باسقا دا جەرلەرٸمٸز وراسان زور تانىمالدىلىققا يە بولىپ, ميلليونداعان تۋريستەر كەلەتٸن ورىنعا اينالاتىنىنا سەنٸمدٸمٸن», - دەدٸ مينيستر.
سونداي-اق, ول ەكسپو حالىقارالىق كٶرمەسٸنٸڭ كەشەنٸ اۋماعىندا «استانا فيلم» اتتى جاڭا جوعارى تەحنولوگييالى كينوستۋدييانىڭ قۇرىلىسى بويىنشا جۇمىستار باستالعانىن دا تٸلگە تيەك ەتتٸ.
«قر تۇڭعىش پرەزيدەنتٸنٸڭ تاپسىرماسى بويىنشا ٶندٸرٸستٸك مٷمكٸندٸكتەردٸ كەڭەيتۋ ماقساتىندا ەكسپو حالىقارالىق كٶرمەسٸنٸڭ كەشەنٸ اۋماعىندا «استانا فيلم» اتتى جاڭا جوعارى تەحنولوگييالى كينوستۋدييانىڭ قۇرىلىسى بويىنشا جۇمىستار باستالدى. بۇل ٷشٸن قالا ەكٸمدٸگٸ 23,7 گەكتار جەر بٶلدٸ. بۇل جاڭا كينو ٶندٸرۋشٸ ورتالىق, سونداي-اق ەلەمگە ەيگٸلٸ Universal, Disneyland جەنە باسقا دا ٷلگٸدەگٸ ويىن-ساۋىق جەنە دەمالىس ساياباعى بولادى», - دەدٸ مينيستر.
ونىڭ سٶزٸنە قاراعاندا, جاڭا كارتينالاردى شىعارۋعا ارنالعان بارلىق ٶتٸنٸمدەردٸ كينو سالاسىنداعى بەدەلدٸ مامانداردان ارنايى قۇرىلعان ساراپشىلىق كەڭەسٸ قارايدى.
سونىمەن قاتار, ٸرٸكتەۋ رەسٸمٸنٸڭ اشىقتىعىن قامتاماسىز ەتۋ ٷشٸن كينو جوبالاردى قارجىلاندىرۋ بويىنشا ۇسىنىستاردى ٷكٸمەتتٸڭ جانىنان قۇرىلعان ۆەدومستۆوارالىق كوميسسييا بەرەدٸ.
«ەلٸمٸزدٸڭ پرەمەر-مينيسترٸ اسقار مامينمەن كەزدەسۋ بارىسىندا ەلەمگە ەيگٸلٸ رەجيسسەر, ستسەناريست, پروديۋسەر تيمۋر بەكمامبەتوۆ ەكٸ كينو جوباسىنا پروديۋسەر بولۋعا دايىن ەكەنٸن بٸلدٸرگەنٸن ايتا كەتكٸم كەلەدٸ», - دەدٸ ا. رايىمقۇلوۆا.
