Foto: e-polonskiy.livejournal.com
30 sáýirde Qazaqstan men Resei elderiniń shekara qyzmetteri Qazaqstannyń ózge de ýákiletti organdarymen birge brakonerlik áreketterdiń jolyn kesýge baǵyttalǵan jedel profilaktikalyq is-sharalardyń kezekti kezeńin ótkizdi, - dep habarlaidy "Ult aqparat" QR UQK baspasóz qyzmetine silteme jasap.
UQK málimetinshe, reidtik is-sharalar barysynda Kaspiidiń Qazaqstanmen shekaralas sýlarynda 58 quqyqbuzýshy jáne 23 júzý quraldary ustalǵan. Uzyndyǵy 100 shaqyrymnan asatyn brakonerlik tor jáne ózge aýlaý quraldary tárkilengen.
"Tabiǵi mekendeý ortasyna 288 bekire tuqymdas balyq, 13 myń usaq tuqymdy balyq jáne 7 itbalyq jiberildi. 1 647 375 teńge kóleminde ákimshilik aiyppul salyndy. Memleketke 588 million teńgeden asa keltiriletin zalaldyń aldy alyndy", - delingen habarlamada.
