Kaspii jaǵalaýyndaǵy Rixos Aktau qonaqúii shilde aiynda ashylady. Bul týraly QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov aitty, dep habarlaidy QazAqparat.
«Josparǵa sáikes, bul qonaqúidi shilde aiynyń basynda ashý kózdelgen. Keibir týristik operatorlar týristik joldamalaryn satyp ta jatyr. Bir jerlerden joldama quny 256 myń teńge kóleminde ekenin baiqap qaldym. Oǵan 2 jáne 3 kún kiredi. Degenmen, joldama qunyna áýe biletiniń baǵasy da kiretinin eskergen jón. Bul joldamalardyń qysqa merzimdi ekendigin eskerer bolsaq, áýe biletiniń baǵasy 40 paiyzǵa jetip qalýy múmkin. Buǵan qosa, bul qunǵa all inclusive júiesi boiynsha tamaqtaný da kiredi», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, bul qonaqúide joldama baǵasy sheteldegi dál osyndai qyzmetke qaraǵanda birshama tómen bolatyny anyq.
- «Eger mysal retinde joldamany 7-10 kúnge esepter bolsaq, onda baǵasy sheteldik balamaǵa qaraǵanda birshama tómen shyǵady. Qazirgi ýaqytta 3 táýlikke Túrkiiaǵa ne bolmasa Mysyrǵa saparlaityn bolsa, onda dál qazirgi kezde Rixos Aktau qonaqúii usynyp otyrǵan baǵadan áldeqaida asyp túsetini anyq», - dedi Dastan Rysbekov.
