Kaspii teńiziniń jańalaýynda óli itbalyqtar tabyldy. Bul týraly Egologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet málim etti, dep habarlaidy "Ult aqparat".
19 sáýir kúni Mańǵystaý oblystyq Orman sharýashylyǵy jáne janýarlar dúniesi aimaqtyq inspektsiiasynyń memlekettik inspektorlary Túpqaraǵan aýdanyndaǵy reid barysynda Qarajanbas ken orny mańyndaǵy bógettiń aýmaǵynda óli 4 itbalyqty anyqtady. Sonymen qatar 20 sáýirde Fort-Shevchenko qalasyndaǵy Kaspii jaǵalaýynda taǵy bir óli itbalyq tabyldy.
Tekserý kezinde sý janýarlary shamamen ótken kúzde ólgeni belgili boldy. Itbalyqtar denesiniń qatty buzylýyna bailanysty tiisti synamalar alý múmkin bolmady.
Teńiz jaǵalaýy men sýdyń ózinde ózge óli itbalyqtar anyqtalmady.
