Foto: Mańǵystaý oblystyq ekologiia departamenti
Mańǵystaý oblysy Túpqaraǵan aýdanynan qarasty Atash aýylynyń turǵyndary oblystyq ekologiia departamentine aryzdanyp, Kaspii teńiziniń betinen munai daqtary baiqalatynyn aitty, dep habarlaidy Azattyq Ruhy.
Lada.kz portalynyń jazýynsha, ekologtar zerthanalyq taldaý úshin sý synamasyn aldy. Olar "KANTA" motorly kemesinen 300 litrdei dizel otyny teńizge tógilgenin anyqtaǵan.
Turǵyndardyń aitýynsha, atalǵan oqiǵa «Batys Munai Trans» JShS-ne tiesili kemede bolǵan.
«Qazirgi ýaqytta QR Kásipkerlik kodeksiniń 144-4-babyna sáikes tergeý amaldary júrgizilip jatyr», - dep habarlady Mańǵystaý oblysy boiynsha ekologiia departamenti.
