Kaspii teńizinde Qazaqstan men Resei áskerleriniń birikken teńiz oqý-jattyǵýy ótip jatyr, dep habarlaidy "Ult aqparat".
Qazaqstan Respýblikasy Áskeri-teńiz kúshteriniń «Oral», «Saryarqa», «Mańǵystaý» jáne «Qazaqstan» raketalyq-artilleriialyq kemeleri Resei Federafiiasy Áskeri-teńiz kúshteriniń Kaspii flotiliiasymen birlesken oqý-jattyǵýyna qatysýda.
Kaspii teńiziniń qazaqstandyq akvatoriiasynda ótip jatqan oqý-jattyǵý 22 qyrkúiekke deiin sozylady. Jýyrda Aqtaý qalasynyń portyna reseilik «Tatarstan» kemesi men «Stýpinets» kateri, sonymen qosa 2 gidrografikalyq keme, raketalyq jáne reidtik traldar, qutqarý býksiri men kishi tanker kelgen bolatyn.
Oqý jattyǵý Áskeri-teńiz kúshteriniń bas qolbasshysy, kontr-admiral Sáken Bekjanovtyń jeke basshylyǵymen ótýde.
Jattyǵý barysynda Qazaqstan men Resei Áskeri-teńiz kúshteri birikken toptarynyń jańa urys formalary men ádisterin zerdeleýge basty nazar aýdarylmaq. Eki eldiń teńizshileri arnaiy operatsiialar men urysty júrgizý boiynsha birqatar máselelerdi pysyqtap, kemelerdiń birlesken is-qimylyn, tapsyrmany oryndaý ornyndaǵy manevrlerdi júzege asyrady.
Osy jattyǵýdyń nátijesinde eki eldiń birikken shtabtarynyń úilesimdiligi baǵalanyp, ofitserlerdiń biliktilik deńgeii synalady.
Búgingi kúni birikken oqý-jattyǵýdy ótkizýden basqa, qazaqstandyq jáne reseilik áskeri teńizshiler Halyqaralyq armiia oiyndary barysynda ózara is-qimyldardy birlese ótkizip, mashyǵyn jetildirýde.
