Qazaqstan biligi 21 qazanda Royal Dutch Shell britan-niderland munai kompaniiasy Kaspii teńiziniń Qazaqstan sektorynda turǵan, Qashaǵan kenishine taiaý mańdaǵy Hazar kenishin igerý týraly kelisimnen shyǵatynyn habarlady.
Qazaqstannyń memlekettik «QazMunaiGaz» kompaniiasy 900 million dollar salǵan Shell kompaniiasy «tabysy az bolǵandyqtan» Hazar kenishin igerýden bas tartqanyn málimdedi. Kenishte 40 million tonna munai jáne 10 milliard tekshemetr gaz bar dep esepteledi.
Aldaǵy ýaqyta Hazar kenishi boiynsha jer qoinaýyn paidalaný quqyǵyn Qazaqstanǵa qaitarý protsesi bastalady. Buǵan deiin ol baqylaý paketin alǵan Shell kompaniiasyna tiesili bolǵan.
Qazaqstannyń energetika ministrligi 21 qazanda «QazMunaiGaz» ulttyq kompaniiasy men arasynda Shell kompaniiasy da bar birqatar sheteldik kompaniialar kiretin NCOC konsortsiýmy Qalamqas-teńiz kenishin igerýden bas tartqanyn habarlady.
Eger qazan aiynyń sońyna deiin damý jospary bekitilmese, Qalamqas-teńiz kenishi boiynsha jer qoinaýyn paidalaný quqyǵy da memleket menshigine qaitarylýy tiis. Ondai jaǵdaida Qazaqstannyń kenishti igeretin jańa investor tartý máselesin qarastyrýyna týra keledi.
