Kaspii itbalyǵy Qazaqstannyń Qyzyl kitabyna engizý máselesi qarastyryldy. Bul týraly "Ult aqparat" Ekologiia, geologiia jáne tabiǵi resýrstar ministrliginiń orman sharýashylyǵy men janýarlar dúniesi komitetiniń baspasóz hatshysy Sáken Dildahmetke silteme jasap habarlaidy.
2020 jylǵy 24 shildede Qazaqstan Respýblikasy Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetinde videokonferentsiialyq bailanys arqyly «Gidrobiologiia jáne ekologiia institýty» men «Ortalyq Aziialyq ekologiialyq zertteýler institýty» JShS ókilderiniń qatysýymen balyq sharýashylyǵy máseleleri jónindegi Vedomstvoaralyq zoologiialyq komissiianyń otyrysy ótti.
«Komissiia otyrysynda kaspii itbalyǵyn (Pusa Caspica) ósimdikter men janýarlardyń sirek kezdesetin jáne quryp ketý qaýpi tóngen túrleriniń tizbesine engizý usynysy qoldaý tapty.
Itbalyqtardy qorǵaýǵa yqpal etý úshin jáne bolashaqta erekshe qorǵalatyn tabiǵi aýmaq qurýǵa mańyzdy bastamalardyń biri bolmaq. Qazirgi ýaqytta kaspii itbalyǵy basqa Kaspii mańy memleketteriniń Qyzyl kitabyna engizilgen», - dedi Sáken Dildahmet.
