Elorda turǵyny Malika Dúisenbaeva Facebook paraqshasyna telefon alaiaǵyn áshkerelegen videony jariia etti, dep habarlaidy QazAqparat.
«Alaiaqtar meniń búkil otbasymdy baýyzdap tastaimyn dep qorqytty. Ózderi Kaspii bankten habarlasqandai qońyraý shaldy. Kaspiiden kelgen kilt sózdi aitýymdy talap etti. Men bul qońyraýdy banktyń call-ortalyǵy arqyly tekserip almaq boldym. Osy áreketimmen olardy ashýlandyryp alsam kerek – meni qorqytyp, balalarymmen birge óltiretinderin aityp, qoqan-loqy jasady. Qysqasy, búkil áńgimeni videoǵa jazyp aldym», - dedi Malika Dúisenbaeva jelide videomen birge salǵan habarlamasynda.
Áieldiń aitýyna qaraǵanda, alaiaqtarmen sóileskennen keiin álgilerdiń nómirinie qaitara qońyraý shalǵan. Alaida basqa bireý qońyraýdy kóterip, ol alaiaqqa múlde qatysy joqtyǵyn, osyndai qońyraýmen tórtinshi adam habarlasyp turǵanyn alǵa tartqan.
«Olar men týraly bárin biledi. Ne isterimdi bilmeimin. Qorqynyshty eken», - dedi Malika Dúisenova.
Óz kezeginde Kaspii bank te bul oqiǵaǵa qatysty pikir bildirdi.
«Bizdiń klientke alaiaqtyqtyń mundai faktisimen betpe-bet kelgenine ókinish bildiremiz. Kaspii bank qyzmetkerleri kartanyń fotosyn, sondai-aq, SMS boiynsha rastalatyn karta boiynsha málimetterdi eshqashan suramaidy. Bul alaiaqtyq deidi», - dedi Kaspii bankten.
