Almaty oblysynda Ózbekstan azamaty tapa-tal túste oqýshy qyzǵa tap berdi. Oqiǵa Almaty oblysynyń Qaskeleń qalasynda bolǵan, dep habarlaidy QazAqparat.
«Bul oqiǵa 16 qarasha kúndizgi saǵat 13:00 shamasynda Qarasai aýdanynyń Qaskeleń qalasyndaǵy Qarasai batyr kóshesinde bolǵan. Osy jaitqa bailanysty politsiiaǵa kómek surap habarlasty. Oqiǵa ornyna jetkende tártip saqshylaryna áiel adam aryzdanyp, onyń 12 jasar qyzyna shamamen 35-40 jastaǵy er adamnyń tap bergenin jetkizgen», - delingen Almaty oblystyq politsiia departamenti baspasóz qyzmetiniń habarlamasynda.
Vedomstvonyń aqparatyna sáikes, atalǵan fakti boiynsha 39 jastaǵy er adam ustalyp, Qarasai aýdanynyń politsiia basqarmasyna jetkizildi.
«Kámelet jasyna tolmaǵan N. esimdi oqýshynyń aitýy boiynsha, ol mektepke bara jatqanda artynan belgisiz er azamat kelip, tap berip, aqsha talap etken. Biraq oqýshy odan qutylyp, qaita mektepke qarai júrgen. Biraq sol er azamat dál aialdamanyń tusynda oqýshy qyzǵa qaita tap berip, kúshpen aialdamanyń oryndyǵyna otyrǵyzyp qoiǵan. Sol sátte ózge adamdar oqýshy qyzǵa kómekke kelip, al tap bergen er azamat oqiǵa ornynan qashyp ketken», - delingen vedomstvonyń habarlamasynda.
Qazir atalǵan fakti QR QK 191 babynyń 24 baby 3 tarmaǵy boiynsha tirkeldi. Tergeý barysynda qajetti saraptamalar taǵaiyndalady.
«Ustalǵan er adam - Ózbekstan eliniń azamaty. Ol 30 táýlikke qamaýǵa alyndy», - dep tolyqtyrdy politsiianyń baspasóz qyzmeti.
Aita keteiik, belgisiz azamattyń oqýshy qyzǵa tap bergen sáti beinebaqylaý kamerasyna jazylǵan.
