الماتى وبلىسىندا ٶزبەكستان ازاماتى تاپا-تال تٷستە وقۋشى قىزعا تاپ بەردٸ. وقيعا الماتى وبلىسىنىڭ قاسكەلەڭ قالاسىندا بولعان, دەپ حابارلايدى قازاقپارات.
«بۇل وقيعا 16 قاراشا كٷندٸزگٸ ساعات 13:00 شاماسىندا قاراساي اۋدانىنىڭ قاسكەلەڭ قالاسىنداعى قاراساي باتىر كٶشەسٸندە بولعان. وسى جايتقا بايلانىستى پوليتسيياعا كٶمەك سۇراپ حابارلاستى. وقيعا ورنىنا جەتكەندە تەرتٸپ ساقشىلارىنا ەيەل ادام ارىزدانىپ, ونىڭ 12 جاسار قىزىنا شامامەن 35-40 جاستاعى ەر ادامنىڭ تاپ بەرگەنٸن جەتكٸزگەن», - دەلٸنگەن الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
ۆەدومستۆونىڭ اقپاراتىنا سەيكەس, اتالعان فاكتٸ بويىنشا 39 جاستاعى ەر ادام ۇستالىپ, قاراساي اۋدانىنىڭ پوليتسييا باسقارماسىنا جەتكٸزٸلدٸ.
«كەمەلەت جاسىنا تولماعان ن. ەسٸمدٸ وقۋشىنىڭ ايتۋى بويىنشا, ول مەكتەپكە بارا جاتقاندا ارتىنان بەلگٸسٸز ەر ازامات كەلٸپ, تاپ بەرٸپ, اقشا تالاپ ەتكەن. بٸراق وقۋشى ودان قۇتىلىپ, قايتا مەكتەپكە قاراي جٷرگەن. بٸراق سول ەر ازامات دەل ايالدامانىڭ تۇسىندا وقۋشى قىزعا قايتا تاپ بەرٸپ, كٷشپەن ايالدامانىڭ ورىندىعىنا وتىرعىزىپ قويعان. سول سەتتە ٶزگە ادامدار وقۋشى قىزعا كٶمەككە كەلٸپ, ال تاپ بەرگەن ەر ازامات وقيعا ورنىنان قاشىپ كەتكەن», - دەلٸنگەن ۆەدومستۆونىڭ حابارلاماسىندا.
قازٸر اتالعان فاكتٸ قر قك 191 بابىنىڭ 24 بابى 3 تارماعى بويىنشا تٸركەلدٸ. تەرگەۋ بارىسىندا قاجەتتٸ ساراپتامالار تاعايىندالادى.
«ۇستالعان ەر ادام - ٶزبەكستان ەلٸنٸڭ ازاماتى. ول 30 تەۋلٸككە قاماۋعا الىندى», - دەپ تولىقتىردى پوليتسييانىڭ باسپاسٶز قىزمەتٸ.
ايتا كەتەيٸك, بەلگٸسٸز ازاماتتىڭ وقۋشى قىزعا تاپ بەرگەن سەتٸ بەينەباقىلاۋ كامەراسىنا جازىلعان.
