Ótken demalys kúnderi Qaskeleń mańynan qalanyń ortalyq kóshelerine deiin kókpar tartyp, jurttyń mazasyn ketirgender keshirim surady, - dep habarlaidy Tengrinews.kz agenttigi.
Aita keteiik, kókparshylar kólik júretin joldyń ústine shyǵyp ketip, birneshe kólikti qiratqan edi. Oqiǵanyń videosy Jelide jariialanǵan.
Quqyq qorǵaý organdarynyń málimetinshe, 66 jastaǵy jergilikti turǵyn jieniniń dúniege kelýin toilap, kókpar bergen. Oiynsha 60 adam qatysqany anyqtaldy. Uiymdastyrýshylar adam kóp bolýyna bailanysty tártipti saqtai almaǵanyn aityp otyr.
"15 mamyrda kókpar berdik. Keshirińizder, ótinemiz. Qaitalanbaidy. Mundai shyǵyn bolatynyn, osynshama adam qatysatynyn oilamadyq", - deidi uiymdastyrýshylardyń biri.
Almaty oblystyq politsiia málimetinshe, uiymdastyrýshy men úsh qatysýshy ustalǵan. Qazirgi ýaqytta politsiia qalǵan oiynshylardy izdestirip jatyr. Onyń ishinde kólikti qiratqan 34 jastaǵy qalalyq ta izdeýde eken.
