Qaskeleń politsiiasy turǵyndardyń ómirine qaýip tóndirgen at jarysyna qatysqan alty adamdy ustady, dep habarlaidy Sputnik Qazaqstan.
Jýyrda áleýmettik jelilerde bir top kókparshy Qaskeleń kóshelerimen júrip, kólik qozǵalysyna kedergi keltirgeni túsirilgen video tarady.
Bastapqyda oiyn qala syrtynda ótkeni belgili boldy. Biraq keiinirek qala kóshelerine kóshti. Al uiymdastyrýshy - bir jasar jieniniń qurmetine kókpar uiymdastyrǵan 66 jastaǵy zeinetker.
"Qala turǵyndary men kólik júrgizýshilerine qaýip tóndirgeni, sondai-aq olarǵa materialdyq zalal keltirgen alty kókparshy ustaldy. Olarǵa qatysty Ákimshilik quqyqbuzýshylyq týraly kodekstiń 434-babynyń 1-bóligine sáikes ("usaq buzaqylyq") ákimshilik is qozǵaldy. Árqaisysyna on táýlik merzimge ákimshilik qamaý túrindegi jaza qoldanyldy Sondai-aq 614-baptyń 1-bóligi ("kólikke kedergi jasaý") boiynsha da tirkeldi", - dep habarlady politsiia departamentiniń baspasóz qyzmeti.
