video kadry
Qaskeleńde sábiinen aiyrylǵan áiel perzenthananyń úshinshi qabatynan sekirip ketti, dep habarlaidy QazAqparat agenttigi.
Almaty oblystyq Politsiia departamentiniń málimetinshe, 10 tamyzda Qarasai aýdandyq politsiia basqarmasyna Qaskeleń qalasyndaǵy ortalyq aýrýhanadan 37 jastaǵy K. esimdi áieldiń perzenthana bólimshesiniń úshinshi qabatynan sekirgeni týraly habarlama túsken. Atalǵan derek QR Qylmystyq kodeksiniń 105-baby boiynsha aýdandyq politsiiada tirkelgen.
«Sotqa deiingi tergeý barysynda ol ishtegi nárestesiniń shetinep ketýine bailanysty óz-ózine qol salǵysy kelgendigin, meditsina qyzmetkerlerine shaǵymy joqtyǵyn aitty. Qazirgi ýaqytta tirkelgen faktiniń obektivtiligin, jan-jaqtylyǵyn jáne tolyqtyǵyn qamtamasyz etý maqsatynda sotqa deiingi tergeý júrgizilip jatyr», - dep habarlady politsiiadan.
Buǵan deiin aýdandyq aýrýhana ákimshiligi atalǵan oqiǵaǵa qatysty túsinik bergen.
«37 jastaǵy patsient áiel operatsiiadan keiin 4 kún reanimatsiiada boldy. Bosanǵannan keiin qatty kúizeliske túsip, emdelýden bas tartty, ózin agressivti ustady. Ony barlyq arnaiy mamandar: anesteziolog-reanimatolog, neirohirýrg, travmatolog, hirýrg tekserdi. Barlyq qajetti saraptamalar jasalyp, tolyqtai emdelip jatyr», - degen edi aýrýhana ákmshiliginen.
