©instagram/kaskelenkz
Almaty oblysynyń Qarasai aýdanynda 2011 jyly týǵan bala ózenge aǵyp ketken. Ol bir táýlikten asa ýaqyttan beri izdestirilip jatyr. Izdeý jumystaryna 80-ge jýyq adam jumyldyrylǵan, - dep habarlaidy Tengrinews.kz.
Tótenshe jaǵdailar departamentiniń baspasóz qyzmeti málimetinshe, Áli Balǵaziev esimdi bala abaisyzda Qaskeleń ózenine batyp ketken. Oqiǵa 18 tamyzda kúndiz Qarasai aýdanyndaǵy Qaskeleń shatqalynda bolǵan.
Áli otbasymen ózen mańyna demalysqa shyqqan. Bala ózen jaǵasyna sýretke túskisi kelip barǵan. Biraq kenetten aiaǵy taiyp, ózenge qulap ketken.
"Qarasai aýdandyq tótenshe jaǵdailar bóliminiń qyzmetkerleri men Qaskeleń qalalyq órt sóndirý bóliminiń qyzmetkerleri, Almaty qalasy ROSO jeke quramy dereý shaqyrtý ornyna jóneltildi. Izdeý jumystaryna 80-ge jýyq adam jumyldyryldy, onyń ishinde politsiia qyzmetkerleri, týystary, jergilikti turǵyndar men eriktiler. Qazirgi ýaqytta izdeý jumystary jalǵasyp jatyr", - dedi 19 tamyzda Almaty oblysy Tótenshe jaǵdailar departamentiniń baspasóz qyzmeti.
