©instagram/kaskelenkz
الماتى وبلىسىنىڭ قاراساي اۋدانىندا 2011 جىلى تۋعان بالا ٶزەنگە اعىپ كەتكەن. ول بٸر تەۋلٸكتەن اسا ۋاقىتتان بەرٸ ٸزدەستٸرٸلٸپ جاتىر. ٸزدەۋ جۇمىستارىنا 80-گە جۋىق ادام جۇمىلدىرىلعان, - دەپ حابارلايدى Tengrinews.kz.
تٶتەنشە جاعدايلار دەپارتامەنتٸنٸڭ باسپاسٶز قىزمەتٸ مەلٸمەتٸنشە, ەلي بالعازيەۆ ەسٸمدٸ بالا ابايسىزدا قاسكەلەڭ ٶزەنٸنە باتىپ كەتكەن. وقيعا 18 تامىزدا كٷندٸز قاراساي اۋدانىنداعى قاسكەلەڭ شاتقالىندا بولعان.
ەلي وتباسىمەن ٶزەن ماڭىنا دەمالىسقا شىققان. بالا ٶزەن جاعاسىنا سۋرەتكە تٷسكٸسٸ كەلٸپ بارعان. بٸراق كەنەتتەن اياعى تايىپ, ٶزەنگە قۇلاپ كەتكەن.
"قاراساي اۋداندىق تٶتەنشە جاعدايلار بٶلٸمٸنٸڭ قىزمەتكەرلەرٸ مەن قاسكەلەڭ قالالىق ٶرت سٶندٸرۋ بٶلٸمٸنٸڭ قىزمەتكەرلەرٸ, الماتى قالاسى روسو جەكە قۇرامى دەرەۋ شاقىرتۋ ورنىنا جٶنەلتٸلدٸ. ٸزدەۋ جۇمىستارىنا 80-گە جۋىق ادام جۇمىلدىرىلدى, ونىڭ ٸشٸندە پوليتسييا قىزمەتكەرلەرٸ, تۋىستارى, جەرگٸلٸكتٸ تۇرعىندار مەن ەرٸكتٸلەر. قازٸرگٸ ۋاقىتتا ٸزدەۋ جۇمىستارى جالعاسىپ جاتىر", - دەدٸ 19 تامىزدا الماتى وبلىسى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
