Qazaqstan stýdentter aliansynyń basshysy Iliias Tústikbaev Prezidenttiń búgingi Joldaýyna qatysty óz pikirin bildirdi, dep xabarlaidy QazAqparat.
Iliias Tústikbaevtiń aitýynsha, búgin alians músheleri jinalyp, Prezidenttiń búgingi Joldaýyn birge tyńdady. Ásirese, bilim salasyna qatysty sózi eshkimdi bei-jai qaldyrmady.
«Bilim salasy Prezidenttiń biylǵy Joldaýynda ózekti oryn aldy. Memleket basshysy bul joly da bilim men ǵylymǵa erekshe basymdyq berdi, nazardan tys qaldyrmady. Atap aitar bolsam, muǵalimderdiń jalaqysyn kóterý,ǵalymdardy qoldaý, osal toptan shyqqan balalarǵa grant taǵaiyndaý. Bul ǵylym men bilmge úlken serpilis beredi dep oilaimyn. Sonymen qatar halyqaralyq pándik olimpiadalarda jeńimpaz jáne júldeger bolǵan oqýshylarǵa birrettik aqshalai syiaqy taǵaiyndalyp, joǵary oqý oryndaryna konkýrstan tys túsýi úshin granttar usynylatyn boldy. Bul balalar úshin úlken qoldaý dep bilemin», - deidi Iliias Tústikbaev.
Sonymen qatar, ol Memleket basshysy kótergen JOO-daǵy reformaǵa da toqtaldy.
«Joldaýda Joǵary oqý oryndaryndaǵy reforma sóz boldy. Qazir rasynda bilim mekemeleri túlekteriniń qolyna diplom ustata salady, ári qarai jumysqa ornalastyrý, bilimin odan ári shyńdaýǵa esh aralaspaidy. Endi JOO- na jaýapkershilik júkteldi. Bul óte durys. Sonymen qatar, taǵy bir qýantqan nárse. Ol- kásiptik baǵyt baǵdar boiynsha jumystar júrgizý. Shynymen de qazir respýblika boiynsha júieli jumys júrgizilip jatqan joq. Túlekter joǵary oqý ornyn tańdaýda qatelesip jatady nemese ata- anasynyń keńesin tyńdaidy. Ártúrli sebeptermen qatelisip mamandyq tańdap jatady. Osyǵan bailanysty Prezident jaýapty ministrlikterge arnaiy jumys júrgizý kerektigin basa aitty. Bul bastamany Qazaqstan stýdentteri aliansy da kótergen bolatyn. Osy joldaýda qoldaý tapqany qýantty», - deidi ol.
