Eń ozyq qoljetimdi tehnologiiany engizgen iri kásáiporyndar lastaýshy keipinen arylyp, emissiia úshin tólenetin tólemderden bosatylady. Bul týraly Senattyń jalpy otyrysynda Ekologiia, geologiia jáne tabiǵi resýrstar ministri Maǵzum Myrzaǵaliev málim etti, dep habarlaidy QazAqparat.
«Zań jobasynda Salyq kodeksine jáne Salyq kodeksin qoldanysqa engizý týraly Zańǵa kelesidei máseleler boiynsha túzetýler kózdelgen. Eń ozyq qoljetimdi tehnologiialardy engizý arqyly keshendi ekologiialyq ruqsatty alǵan jańa obektilerdiń operatorlaryna qatysty emissiia úshin tólenetin tólemderden bosatý boiynsha tiisti túzetýler usynyldy. Sonymen qosa, qoldanystaǵy kásiporyndar úshin de osyndai tetik qarastyrylǵan. Emissiia úshin tólenetin tólemderden bosatylýy úshin olar ekologiialyq tiimdilikti arttyrý men eń ozyq qoljetimdi tehnologiialardy engizý baǵdarlamasyn ázirlep, ony júzege asyrý kerek», - dedi ministr «Salyq jáne biýdjetke tólenetin basqa da mindetti tólemder týraly» Kodeksine (jáne «Salyq jáne biýdjetke tólenetin basqa da mindetti tólemder týraly» Kodeksin (Salyq kodeksi) qoldanysqa engizý týraly» Zańyna ekologiia máseleleri boiynsha tolyqtyrýlar engizý týraly» zań jobasyn talqylaý barysynda.
Onyń aitýynsha, keshendi ekologiialyq ruqsatty almaǵan birinshi sanattaǵy qoldanystaǵy obektiler boiynsha qorshaǵan ortany lastaǵany úshin tólemaqy mólsherine 2, 4 jáne 8 ese ulǵaitylǵan koeffitsientter qoldanylady. Buny keshendi ekologiialyq ruqsatqa kóshýdi yntalandyratyn qosymsha bir shara retinde qarastyramyz.
«Bul rette, birinshi sanattaǵy 50 iri kásiporyn úshin mundai ulǵaitý 2025 jyldan, al birinshi sanattaǵy qalǵan nysandar úshin 2031 jyldan bastalady. Aita keterlik, 3 jyl saiyn ulǵaitý koeffitsientteri 2 eselenip turady.
Iaǵni, qazirgi kezde jumys istep turǵan árbir iri kásiporyn erteń óz erkimen tańdaý jasaidy. Ne osy qalpynda qorshaǵan ortaǵa keri áser etip, jyldar saiyn eselenetin ekologiialyq tólem tóleidi. Nemese eń ozyq qoljetimdi tehnologiiany engizip, lastaýshy keipinen arylyp, emissiia úshin tólenetin tólemderden bosatylady», - dedi Myrzaǵaliev.
«Salyqtyq retteýdi jetildirýge qatysty kelesini aita ketý kerek. Túzetýler engizilgennen keiin qorshaǵan ortaǵa teris áser etkeni úshin tólemder boiynsha mindettemelerdiń oryndalýyna salyqtyq tekserýlerdi qorshaǵan ortany qorǵaý salasyndaǵy ýákiletti organ emes, salyq organdary júrgizedi.
Sondai-aq, tórtinshi sanattaǵy obektilerdiń operatorlary salyqtyq retteýden shyǵarylatyn bolady. Óitkeni olardyń tarapynan emissiiasy qorshaǵan ortaǵa áser etýi az kólemde baiqalady», - dedi vedomstvo basshysy.
