Búgin «30 Eńbek Elshisi» respýblikalyq jobasynyń qorytyndysy shyǵarylyp, Qazaqstan Respýblikasy Kásipodaqtar federatsiiasy tóraǵasynyń birinshi orynbasary Muhtar Tinikeev jeńimpazdardy marapattady, - dep habarlaidy «Ult aqparat».
Aita keteiik, «30 Eńbek Elshisi» jobasy Qazaqstan Respýblikasy Táýelsizdiginiń 30 jyldyǵyna arnalǵan. «Eńbek elshileri» qoǵamdaǵy kásipodaqtar týraly kórinisti ózgertýge, jastardyń boiyna eńbek qundylyqtaryn sińirýge, jastar ortasynda kásipodaq músheliginiń tartymdylyǵyn nasihattaýǵa shaqyrylady.
Barlyq qatysýshylar men jeńimpazdardy quttyqtai otyryp, jumysshy jastarǵa Eńbek adamynyń múddeleri men quqyqtaryn qorǵaýǵa belsendi qatysýǵa shaqyrǵan Muhtar Tinikeev jobaǵa niet bildirgender týraly atap ótti.
«Respýblikalyq «30 Eńbek Elshisi» jastar jobasyna Qazaqstannyń 12 aimaǵynan 15 salalyq kásipodaq ókilderi qatysty. Kásipodaqtar federatsiiasynyń jas kóshbasshylarǵa úmit artýynyń mysaly bolǵan joba 30 «eńbek elshisin» anyqtady. Jas kásipodaq kóshbasshylary úshin bul – Eńbek adamynyń quqyqtary men múddelerin qorǵaýdyń taǵy bir mańyzdy qadamy», — dedi QR Kásipodaqtar federatsiiasy tóraǵasynyń birinshi orynbasary Muhtar Tinikeev.
Uiymdastyrýshylardyń aitýynsha, joba birneshe kezeńnen turady: irikteý kezeńi, oqytý, 5 baǵyt boiynsha jumys. Qatysýshylardan ótinishter qabyldaý kriteriiler boiynsha kasipodaq.kz saitynda ornalastyrylǵan ótinish formasyna sáikes 2021 jyldyń 10-26 aqpan aralyǵynda júrgizildi. Saraptaý komissiiasy sheshimimen 2021 jylǵy 3 naýryz kúni irikteý kezeńiniń jeńimpazdary 35 jasqa deiingi kásipodaqtyń 30 múshesi boldy. Joba bes baǵyt boiynsha júzege asyrylady: laiyqty eńbek jaǵdailary, saý jumys oryndary, quqyqtyq saýattylyq, soft-skills damytý jáne kásipodaq uiymdastyrýshysy.
Belgili bolǵanyndai, Kásipodaqtar federatsiiasyna jobaǵa qatysýǵa kelip túsken kásipodaq jastarynyń 196 ótinishteriniń ishinen 156-sy iriktelip, onyń 30-y úzdik dep tanylǵan. Olardyń qatarynda ár túrli mamandyqtardyń kórnekti ókilderi bar: bilim, densaýlyq saqtaý, mádeniet, sport jáne aqparat, shaǵyn jáne orta biznes, atom ónerkásibi, energetika, temirjol, avtomobil jáne sý kóligi, memlekettik jáne bank mekemeleri, qurylys jáne turǵyn úi-kommýnaldyq sharýashylyq, orman sharýashylyǵy, metallýrgiia jáne mashina jasaý, munai-gaz, kómir jáne himiia ónerkásibi salalarynyń jas mamandary.
«30 Eńbek Elshisi» jobasyna qatysý múmkindiginiń arqasynda jas kásipodaq belsendileri jas kásipodaq músheleriniń bastamalaryn qoldaýǵa arnalǵan jobanyń ózektiligin atap ótti.
«Kásipodaq qoǵamnyń saiasi júiesiniń ajyramas bóligi ekenin jáne koronavirýs pandemiiasynan týyndaǵan kóptegen máselelerdi sheshý kásipodaqtardyń qatysýynsyz múmkin emes. Qazirgi ýaqytta meditsinalyq qyzmetkerlerge úlken salmaq túsýde. Bizdiń kásipodaqtar olarǵa materialdyq, quqyqtyq jáne áleýmettik kómek kórsetý arqyly virýspen kúrestiń jalpy isine úles qosýda», - dedi «Senim» meditsina qyzmetkerleri salalyq kásipodaǵynyń Qaraǵandy oblystyq filialy tóraǵasynyń orynbasary Sultan Medeýbaev.
Jobanyń qatysýshylary men jeńimpazdaryna tilek sózin aita otyryp, ol kásipodaq uiymdarynyń qyzmeti áleýmettik-eńbek qatynastaryn jetildirýdiń mańyzdy quraly ekenin eske saldy.
Federatsiia tóraǵasy orynbasarynyń aitýynsha, áleýmettik-eńbek salasynda aitarlyqtai máseleler bar. Atap aitqanda: jalaqynyń ósýi, eń tómengi jalaqynyń artýy, ziiandy jáne aýyr eńbek jaǵdailarynda jumys isteitin adamdardyń zeinetke shyǵý jasynyń tómendeýi, qaýipsiz eńbek jaǵdailaryn jasaý jáne basqalary.
«Osy máselelerdiń barlyǵyn sheshýdiń joldary Kásipodaqtar federatsiiasynyń 2025 jylǵa deiingi strategiiasynda kórsetilgen. Bizdiń kásipodaq jastarynyń alǵa qoiylǵan maqsattardy júzege asyrýǵa belsendi qatysýy biz úshin óte mańyzdy. Kez-kelgen kúrdeli máselede ilgerileý eski máselelerdi sheshýge jańa tásilder paida bolǵan kezde múmkin bolady. Sondyqtan biz jas kásipodaq kóshbasshylaryna senim artamyz», — dep atap ótti Muhtar Tinikeev.
Sondai-aq, «Embimunaigaz» AQ «Jaiyqmunaigaz» munai-gaz óndirý basqarmasy óndiristik-tehnikalyq bólimi basshysynyń orynbasary Sáken Sharapiden, «Astanalyq tsirk» MKQK ártisi Eka Qońyrbaeva, «Sokolov-Sarybai taý-ken baiytý óndiristik birlestigi» AQ jumysshylar kásipodaǵynyń tóraǵasy Aleksandr Shahvorost, Pavlodar qalasy №43 orta mektebiniń qazaq tili men ádebieti pániniń muǵalimi Ainur Ábildinova, «Bogatyr Kómir» JShS bas tehnology Qymbat Qurmanǵalieva, «Qazaqstan Respýblikasy Aýyl sharýashylyǵy ministrligi Veterinariialyq baqylaý jáne qadaǵalaý komitetiniń Qostanai oblystyq aýmaqtyq inspektsiiasy» MM bas mamany, memlekettik veterinariialyq-sanitariialyq inspektory Aleksandr Ten, «YNTYMAQ» orta jáne shaǵyn biznes jumyskerleriniń Qazaqstandyq salalyq kásipodaǵy» RQB filial tóraǵasy, Pavlodar qalalyq máslihatynyń depýtaty Gúlzira Atabaeva kásipodaq qyzmetindegi óz jetistikterimen bólisti. Jas kásipodaq kóshbasshylary «30 Eńbek Elshisi» respýblikalyq jobasyna qatysý olar úshin eldegi kásipodaq qozǵalysyn keńinen tanymal etý jáne jumysshylardyń múddelerin qorǵaýǵa baǵyttalǵan sheshýshi áreketterdi jasaý úshin belsendi qadamdar jasaýǵa shabyt bolǵanyn atap ótti.
Esterińizge sala keteiik, Búgin «30 Eńbek Elshisi» respýblikalyq jobasynyń qorytyndysy shyǵarylyp, Qazaqstan Respýblikasy Kásipodaqtar federatsiiasy tóraǵasynyń birinshi orynbasary Muhtar Tinikeev jeńimpazdardy marapattady. Respýblikalyq «30 Eńbek Elshisi» jastar jobasyna Qazaqstannyń 12 aimaǵynan 15 salalyq kásipodaq ókilderi qatysyp, kásipodaqtar federatsiiasynyń jas kóshbasshylarǵa úmit artýynyń mysaly bolǵan joba 30 «eńbek elshisin» anyqtaǵan.
