20 jasynda jasyndai jarqyldaǵan kásipqoi boksshy Sadriddin Ahmedovtyń kelesi jekpe-jegin «Qazaqstan» jáne «QazSport» arnalary tikelei efirde kórsetetin boldy, dep habarlaidy "Ult aqparat" «Astana Arlans» boks klýbynyń Feisbýk paraqshasyna silteme jasap.
«Bolashaǵynan úlken úmit kúttiretin jas kásipqoi boksshy Sadriddin Ahmedovtyń chempiondyq belbeý úshin jekpe-jegi otandyq arnalardyń tikelei efirinen kórsetiledi. 26 qańtar kúni Kanadanyń Monreal qalasynda ótetin boks keshinde otandasymyz Sadriddin Ahmedov (6-0, 6 KO) jastar arasyndaǵy WBC chempiondyq belbeýin sarapqa salady. 20 jastaǵy Sadriddin Ahmedovtyń qarsylasy 22 jastaǵy meksikalyq boksshy Abraham Hýares (12-1, 4 KO) bolady. Birinshi orta salmaq dárejesinde ótetin jekpe-jek 10 raýndqa josparlanǵan», - delingen «Astana Arlans» boks klýbynyń Feisbýk paraqshasynda.
Aiqasty Astana ýaqyty boiynsha 27 qańtar kúni tańǵy saǵat 08:00-de otandyq «Qazaqstan» jáne «QazSport» arnalary jekpe-jekti tikelei efirden kórsetedi.
Aita keteiik, áýesqoi bokstan jastar arasyndaǵy Álem chempiony Sadriddin qazaqstandyq boksshylardyń arasynda kásipqoi boksta 21 jasqa deiin jastar arasyndaǵy WBC chempiondyq belbeýine talasýǵa múmkindik alǵan birinshi boksshy bolmaq.
Eske sala ketsek, buǵan deiin Sadriddin Ahmedov (6-0, 6 KO) el tarihynda bokstaǵy tarihi jetistigine bir qadam qalǵanyn buǵan deiin habarlaǵan bolatynbyz.
