Osy ýaqytqa deiin sharshy alańda jeńilip kórmegen Qazaqstan boksshysy Bobyrjan Momynov (12-0, 8KO) kelesi jekpe-jegine qatysty josparyn ózgertti, dep habarlaidy "Ult aqparat".
Buǵan deiin BoxRec.com saity 27 naýryz kúni Reseidiń Ekaterinbýrg qalasynda Bobyrjan Momynov jartylai orta salmaqta bos turǵan IBF Baltic chempiondyq ataǵy úshin ýkrainalyq Eýard Skavinskiimen (13-0, 7KO) judyryqtasatyndyǵyn jariia etken bolatyn. Degenmen, VKontakte áleýmettik jelisindegi «Qazaqstannyń kásipqoi boksy» paraqshasyndaǵy aqparatqa sáikes, otandasymyz 25 naýryz kúni Pýerto-Rikoda ótetin Ring City kezekti shoýynda sharshy alańǵa oralmaq.
«Dostar! Allanyń qalaýymen sharshy alańǵa 25 naýryzda Pýerto-Rikoda sharshy alańǵa oralatyndyǵymdy habarlaǵym keledi. Sizderdi kezekti ret jeńisimmen qýantý úshin barlyq múmkindikti jasaimyn», - dep jazdy otandasymyz Instagram-paraqshasynda.
Onyń bul jolǵy qarsylasy amerikalyq Braian Sebalo (12-0, 6KO).
Sebalo – Qazaqstannyń boks jankúierleri úshin tanys esim. Ol 2019 jyly sharshy alańda otandasymyz Baqtiiar Aiýbaevpen (14-2-1, 12KO) kezdesip, tóreshiler sheshimimen jeńiske jetken bolatyn.
Al Momynov sońǵy jekpe-jegin 2020 jyldyń 27 qyrkúieginde Qazan qalasynda ótkizip, tóreshilerdiń basym daýysymen reseilik Vaginak Tamraziandy jeńip, jartylai orta salmaqta IBF Eurasia chempiondyq ataǵyn jeńip alǵan edi.
